मत्ती 11:12 - नुवो नेम (मेवड़ी नया नियम)

¹² यहुन्ना बतिस्मा देबावाळा का दनाऊँ अबाणू तईं ओ संदेस परच्यार किदो ग्यो के, परमेसर का राज का लोगाँ का हाते मार-पिट किदी जावे अन मार-पिट करबावाळा वीं राज ने लेबा की कोसीस करे हे।

मत्ती 11:12 Iomraidhean Croise

मत्ती 11:11

“मूँ थाँकाऊँ हाँची कूँ हूँ के, जीं लगईऊँ जनम्याँ हे, वाँका मूँ यहुन्नो बतिस्मा देबावाळाऊँ कुई मोटो कोयने हे। पण हरग का राज में फोराऊँ फोरो मनक भी यहुन्नाऊँ मोटो हे।

मत्ती 11:13

यहुन्ना के आबा तईं हाराई परमेसर का आड़ीऊँ बोलबावाळा अन मूसा का नेम ईं बात की आगेवाणी करे हे के, परमेसर मनकाँ का जीवन पे राज करी।

मत्ती 3:15

ईसू वींने क्यो, “अबाणू तो अस्यानीस वेबा दे। माने ज्यो परमेसर छावे हे वींने पूरो करबा का वाते योईस करणो हे।” तद्याँ यहुन्ने वींकी बात मान लिदी।

लूका 13:24

ईंपे ईसू वींने क्यो, “हाँकड़ा गेलाऊँ जाबा की कोसीस करो काँके, मूँ थाँकाऊँ केवूँ हे के, घणा मनक अस्यान करणो छाई पण वीं ने कर सकी।

लूका 16:16

“मूसा का नेम अन परमेसर का आड़ीऊँ बोलबावाळा की बाताँ को परच्यार यहुन्ना बतिस्मा देबावाळा की टेम तईं व्यो, ईंका केड़े परमेसर का राज का हव हमच्यार को परच्यार व्यो अन नरई मनक परमेसर का राज में आबा का वाते खुब मेनत करिया हे।

यहुन्ना 5:4

यहुन्ना 6:27

वीं खाणा वाते मेनत मती करो, ज्यो वासी जावे हे। पण वीं खाणा का वाते मेनत करो, ज्यो अनंत जीवन का वाते हे। अन यो खाणो मनक को पूत थाँने देई, काँके परमेसर वींने यो अदिकार दिदो हे।”

फिलिपियों 2:12

ईं वाते ओ मारा लाड़ला भायाँ, जद्याँ मूँ थाँका हाते हो वीं दाण जस्यान थाँ मारी आग्या हरदाण मानता हा वस्यानीस अबे भी जदी मूँ छेटी हूँ वणीऊँ हेली आग्या मानता रेवो। थाँकी मुगती ने पुरी करबा का वाते, दरपता अन धूँजता तका मेनत करता रो।