मत्ती 10:5 - नुवो नेम (मेवड़ी नया नियम)

⁵ अणा बाराई चेला ने ईसू हक दिदो अन ओ आदेस देन खन्दाया, “ज्यो यहूदी ने हे वाँका नके मती जाज्यो अन कणी सामरिया का कणी नगर में मती जाज्यो।

मत्ती 10:5 Iomraidhean Croise

मत्ती 22:3

राजा जीमणा में नुत्याँ तका मनकाँ ने बलावा का वाते आपणाँ नोकराँ ने खन्दाया, पण वीं लोग-बाग ने आया।

मत्ती 4:15

“जबलुन अन नप्ताली का देस समन्द का गेला पे, यरदन नंदी का आतमणी दसा में, ज्यो यहूदी ने हे वाँका देस गलील में।

मरकुस 6:7

वणा आपणाँ बाराई चेला ने बलाया अन दो-दो जणा ने बारवास में खन्दाया। वणी वाँने हुगली आत्माने निकालबा को हक दिदो।

लूका 10:1

अणी बात का केड़े परबू बोईतर चेला ने त्यार किदा। ईसू जणी-जणी नगर, गाम ढाणी में जाबावाळो हो। वणामें दो-दो चेला ने आपणाँ पेल्या खन्दाया।

लूका 10:33

पण, एक सामरी मनक भी वणी गेले जारियो हो, वणी वीं अदमरिया मनक ने पड़्यो तको देक्यो तो, वींने दया आगी।

लूका 17:16

अन ईसू की बड़ई करतो तको वाँके पगा में पड़ग्यो। वो एक सामरी मनक हो।

लूका 9:1

पसे ईसू आपणाँ बाराई थरप्या तका चेला ने एक हाते बलान वाँने हारी हुगली आत्मा अन मांदकी ने छेटी करबा की तागत अन अदिकार दिदो।

लूका 9:2

वाँने परमेसर का राज को परच्यार करबा का वाते अन माँदा मनकाँ ने हव करबा का वाते हक का हाते खन्दाया।

यहुन्ना 17:18

जस्यान थाँ मने दनियाँ में खन्दायो, वस्यानीस में भी वाँने दनियाँ में अलग अलग जगाँ में खन्दाया हे।

यहुन्ना 20:21

ईसू पाछो वाँकाऊँ क्यो, “थाँने सान्ती मले। जस्यान बाप मने खन्दायो हे, वस्यानीस मूँ थाँने खन्दावूँ हूँ।”

यहुन्ना 4:20

माकाँ बड़ाबा ईं मंगरा का ऊपरे आरादना करता हा अन थाँ यहूदी केवो हो के, यरूसलेमईस आरादना करबा की जगाँ हे।”

यहुन्ना 4:5

ईं वाते वीं सामरिया परदेस के सुखार नगर में आया, यो नगर वीं जगाँ का नके हो, जिंने बड़ाबा याकूब आपणाँ बेटा युसुप ने दिदी ही।

यहुन्ना 4:9

वणा दनाँ में यहूदी सामरिया मनकाऊँ कई वेवार ने राकता हा। ईं वाते वणी सामरी लुगई वाँकाऊँ क्यो, “थूँ यहूदी वेन एक सामरी लुगईऊँ पाणी काँ मांगे हे?”

यहुन्ना 7:35

यहूदी अदिकारी एक-दूजाऊँ केबा लागा, “यो कटे जाबावाळो हे, जटे ईंने होदा अन यो ने लादी? कई यो युनानी नगराँ में जाई जटे आपणाँ मनक रेवे हे अन कई युनानी मनकाँ ने हिकाई?

यहुन्ना 8:48

यहूदी मनकाँ ईसू ने पूँछ्यो, “कई माँको यो केणो सई ने के, थूँ सामरी हे अन थाँरा में हुगली आत्मा धस्यी तकी हे?”

थरप्या तका का काम 1:8

पण, जद्याँ पुवितर आत्मा थाँका पे आई, तो थाँ सगतिऊँ भर जावो अन आकाई यरूसलेम, यहूदियाँ अन सामरियाऊँ लगान धरती का खुणा-खुणा तईं मारा गवा बेणो।”

थरप्या तका का काम 10:45

तो पतरस की लारे यापाऊँ आया यहूदी मनक अचम्बा में पड़ग्या, काँके पुवितर आत्मा को दान ज्यो यहूदी ने हा वाँ लोगाँ पे भी उन्दायो ग्यो हो।

थरप्या तका का काम 8:1

अस्यान साउल इस्तीपनुस की हत्या में मदत किदी। वणीस दनऊँ यरूसलेम की विस्वास्याँ की मण्डली पे घणो हताव वेबो सरू वेग्यो। थरप्या तका ने छोड़न वे हारई विस्वासी यहूदियाँ अन सामरिया का हिमाड़ा में वखर ग्या।

1 थिस्सुलुनिक्यों 2:16

वीं मनक जी यहूदी ने हे, वाँने बंचाबा को हव हमच्यार हुणाबा का वाते आपाँने रोके हे। अस्यान करबाऊँ वाँका पाप को घड़ो भरियो हे अन परमेसर को परकोप वाँका पे आग्यो हे।