मत्ती 10:2 - नुवो नेम (मेवड़ी नया नियम)

² ईं बाराई थरप्या तका चेला का नाम ईं हे, पेलो समोन, ज्यो पतरस केवावे हे, अन वींको भई अन्दरियास, जबदी को छोरो याकूब, अन वींको भई यहुन्नो।

मत्ती 10:2 Iomraidhean Croise

मत्ती 17:1

छे दनाँ का केड़े ईसू, पतरस, याकूब अन वींका भई यहुन्ना ने मंगरा पे लेग्या।

मत्ती 20:20

जद्याँ जब्दी का छोरा की बई आपणाँ छोरा का हाते ईसू का नके आन हाता-जोड़ी किदी के, वींऊँ कई माँगबा लागी।

मत्ती 26:37

वो पतरस अन जबदी का दुई छोरा ने हाते लेग्यो। ईसू दकी अन कायल वेबा लागो।

मत्ती 4:18

जद्याँ ईसू गलील का समन्द का नके वेन जारियो हा। वटे वणा दो हगा भई समोन ज्यो पतरस केवातो हो अन वींका भई अन्दरियास ने समन्द में आपणाँ जाळ नाकता तका देक्या। काँके वीं माछळी पकड़बावाला हा।

मत्ती 4:21

पछे वी वटेऊँ आगे चाल पड़्या अन वणा देक्यो के, जबदी को छोरो याकूब अन वींको भई यहुन्नो आपणाँ बाप जबदी का हाते नाव में बेट्यो तको आपणी जाळाँ ने हळजारिया हा। ईसू वाँने भी बलाया।

मरकुस 1:29

पछे ईसू अन वींका चेला परातना घरऊँ निकळन याकूब अन यहुन्ना की लारे समोन अन अन्दरियास का घरे ग्या।

मरकुस 13:3

जदी वो जेतुन का मंगरा पे मन्दर का हामे बेटो हो, तो वींने पतरस, याकूब, यहुन्ना अन अन्दरियास एकेला में जान पूँछ्यो,

मरकुस 6:30

पछे थरप्या तका ईसू के नके पाच्छा आन हंगळी बात वींने बतायी ही, ज्यो वाँ किदी अन हिकई।

लूका 11:49

ईं वाते परमेसर को ग्यान भी केवे हे के, ‘मूँ वाँका नके परमेसर का आड़ीऊँ बोलबावाळा अन खन्दाया तका ने खन्दाऊँ। पसे वीं वाकामूँ वीं करता ने तो मार नाकी अन नरई ने हताया करी।’

लूका 22:14

जद्याँ वा घड़ी अईगी, तो ईसू आपणाँ थरप्या तका चेला का हाते जीमबा का वाते बेटा।

लूका 22:8

तो ईसू पतरस अन यहुन्ना ने यो केन खन्दायो के, “जान आपणे जीमण का वाते फसे की त्यारी करो, ताँके आपाँ खा सका।”

लूका 5:10

वणीस तरियाँ जब्दी का बेटा याकूब अन यहुन्ना ने भी, जी समोन का हण्डाळ्याँ हा, अचम्बो व्यो। जद्याँ ईसू समोनऊँ क्यो, “दरपे मती। अबे थूँ परमेसर का राज में मनकाँ ने लाबावाळो बणी।”

लूका 9:10

पसे थरप्या तका चेला पाच्छा आया। ज्यो कई व्यो, वो ईसू ने बता दिदो अन पसे ईसू वाँने अलग करन आपणाँ हाते लेन बेतसेदा नगर में पराग्या।

यहुन्ना 12:22

तो पछे फिलीप्पुस जान अन्दरियासऊँ क्यो, तद्याँ अन्दरियास अन फिलीप्पुस दुई जान ईसुऊँ क्यो।

यहुन्ना 13:23

ईसू चेला मेंऊँ एक चेलो लाड़लो केवातो हो, वो ईसू का नके बेटो हो।

यहुन्ना 20:2

तद्याँ वा दोड़न समोन पतरस अन दूजाँ चेला के नके, ज्यो लाड़लो केवातो हो, वटे आन क्यो, “वीं परबू ने कबरऊँ काड़न ले पराग्या हे अन माँ ने जाणा के, वींने कटे राक मेल्यो हे।”

यहुन्ना 21:2

समोन पतरस अन थोमो, ज्यो दिदुमस नामऊँ जाण्यो जातो हो अन गलील के काना नगर को नतनएल अन जब्दी का छोरा की लारे वाँका चेलाऊँ दो जणा ओरी हा।

यहुन्ना 21:20

पतरस पाछो फरन वीं चेला ने पाच्छे आतो तको देक्यो। ज्यो लाड़लो केवातो हो। यो वोईस जणी जीमबा की टेम वाँके कान्दड़ा नके मुण्डो करन पूँछ्यो, “हो परबू, थाँने धोकाऊँ पकड़बावाळो कूण हे?”

यहुन्ना 21:24

यो वोईस चेलो हे। ज्यो अणा बाताँ की गवई देवे अन जणी अणा बाताँ ने लिकी हे अन आपाँ जाणा हाँ के, वाँकी गवई हाँची हे।

यहुन्ना 6:67

तद्याँ ईसू आपणाँ बाराई चेलाऊँ क्यो, “कई थाँ भी जाणा छारिया हो?”

यहुन्ना 6:70

ईसू वाँने क्यो, “कई में थाँ बारेई जणा ने चुण्या हे? पछे भी थाँकामूँ एक जणो सेतान हे।”

यहुन्ना 6:71

यो वाँकाणी समोन इसकरियोती का पूत यहूदा का वाते क्यो हो, काँके यो वोईस हो ज्यो वणा बारा मेंऊँ एक हो, वो वाँने धोको देन पकड़ाबावाळो हो।

यहुन्ना 6:8

ईसू का चेला मूँ एक दूजे चेले अन्दरियास, ज्यो समोन पतरस को भई हो, वणी क्यो,

थरप्या तका का काम 1:13

वे वटे आन ऊपरे एक ओवरा में ग्या, जटे वे रेता हाँ, वाँका में पतरस, यहुन्नो, याकूब, अन्दरियास, फिलिपुस, थोमो, बरतुलमे, मत्ती, हलफई को छोरो याकूब, देसभगत समोन अन याकूब को बेटो यहूदो।

थरप्या तका का काम 1:26

पछे वाँकाणी ईं वाते गोट्याँ नाकी अन गोटी मत्ती का नाम की निकळी। अस्यान वो मत्ती ग्यारा चेला में भेळो वेग्यो।

थरप्या तका का काम 12:2

वणी यहुन्ना का भई याकूब ने तरवारऊँ मरवा नाक्यो।

थरप्या तका का काम 3:1

दपराँ केड़े तीनेक बज्या परातना की टेम पे पतरस अन यहुन्नो मन्दर में जारिया हा।

1 कुरिन्थियों 15:7

अन वीं याकूब ने दिक्या अन वणा हाराई खन्दाया तका चेला ने भी दिक्या।

इपिसियों 4:11

वाँकाणी किंनेई तो थरप्या तका वेबा का वाते, अन किंनेई परमेसर का आड़ीऊँ बोलबावाळा, किंनेई तो हव हमच्यार हुणाबावाळा, अन किंनेई तो परमेसर का मनकाँ का गवाळ अन किंनेई हिकाबावाळा बणाया।

इब्रानियों 3:1

हो पुवितर भायाँ, थाँ ज्यो हरग का बलावा में भागीदार हो, वीं थरप्या तका अन मायाजक ईसू पे ध्यान लगावो, जिंने आपीं मानाँ हा।

1 पतरस 1:1

मूँ पतरस ज्यो परबू ईसू मसी को थरप्यो तको चेलो, यो कागद वणा मनकाँ ने लिकरियो हूँ, जी परमेसर का आड़ीऊँ चुण्या तका हे अन ईं पुन्तुस, गलातिया, कप्पदुकिया, एसिया अन बितुनिया का परदेस में बारबासी वेन वकरिया तका हे।

2 पतरस 1:1

मूँ समोन जिंको नाम पतरस भी हे, ज्यो परबू ईसू मसी को दास अन थरप्यो तको चेलो हे, मूँ ओ कागद वाँ मनकाँ का नाम लिकरियो हूँ, जीं आपणाँ परमेसर अन छुटकारो देबावाळो ईसू की धारमिकता के वजेऊँ आपणे जस्यानीस विस्वास करे हे।

2 यहुन्ना 1:1

मूँ मण्डली को अगुवो यहुन्ना, मारो ओ कागद वीं लुगई का नाम हे, जिंने परमेसर चुणी हे अन वींके बाळक का नाम भी लिकरियो हूँ, जणाऊँ मूँ वाँका हाँच पे चालबा की वजेऊँ परेम करूँ हूँ। मूँईस थाँकाऊँ परेम ने करूँ, पण वीं हाराई ज्यो हाँच ने जाणे हे, वीं भी थाँकाऊँ परेम करे हे।

3 यहुन्ना 1:1

मूँ मण्डली को मुक्यो यहुन्नो, यो कागद गयुस ने लिकरियो हूँ। जणीऊँ मूँ हाँच पे चालबा की वजेऊँ घणो परेम करूँ हूँ।

परकासितवाक्य 1:1

आ ईसू मसी की दरसावा की किताब हे परमेसर ईंने ईं वाते दिदी हे के, जीं बाताँ आबावाळा टेम में वेबावाळी हे परमेसर अणाने ईसू मसी ने दरसावा में दिदी अन वणा आपणाँ दास यहुन्ना का नके हरग-दुत ने खन्दान ईं बाताँ बतई। आ ईसू मसी की दरसावा की किताब हे, जिंने परमेसर ईसू मसी ने ईं वाते दिदी के, ज्यो बाताँ वेबावाळी हे, वाँने आपणाँ दासा ने बता दिदी जावे।

परकासितवाक्य 1:9

मूँ यहुन्नो ज्यो थाँको भई हूँ मूँ ईसू के दुक में, धीरज में अन राज में थाँको हण्डाळ्यो हूँ। मने देस निकाळो दिदो ग्यो, जिंकी वजेऊँ मूँ पत्तमुस नाम का टापू में हूँ। काँके मूँ परमेसर का वसन अन ईसू मसी की गवई थाँने देतो हो।

परकासितवाक्य 18:20

“हे हरग, हो पुवितर मनकाँ, थरप्या तका खासतोर चेलो अन परमेसर का आड़ीऊँ बोलबावाळा राजी वेवो, काँके परमेसर वींको न्याव करन थाँको बदलो लिदो हे।

परकासितवाक्य 22:8

मूँ वो यहुन्नो हूँ, जणी ईं बाताँ हूणी अन देकी हे। जद्याँ में ईं बाताँ देकी अन हूणी, तो वीं हरग-दुत का पंगा में पड़न में वींकी भगती किदी, ज्यो मने ईं बाताँ बताया करतो हो।