मत्ती 1:21 - नुवो नेम (मेवड़ी नया नियम)

²¹ वाँ एक छोरा ने जणी, थूँ वींको नाम ईसू राकज्ये, काँके वो आपणाँ मनकाँ ने वाँका पापाऊँ बचाई।”

मत्ती 1:21 Iomraidhean Croise

मत्ती 1:25

अन जतरे वणी पूत ने जण्यो, वतरे वो वींका नके ने ग्यो। वणी आपणाँ बेटा को नाम ईसू राक्यो।

लूका 1:13

पण, हरग-दुत वींने क्यो, “जकरय्या दरपे मती। काँके, थारी परातना परमेसर हूँण लिदी हे। ईं वाते थाँरी घरवाळी एलीसिबा एक बेटा ने जणी। वींको नाम यहुन्नो राकज्ये।

लूका 1:31

अन देक, थूँ गरबवती वेई अन थारे एक छोरो वेई। थूँ वींको नाम ईसू राकज्ये।

लूका 2:11

आज दाऊद का नगर में थाँका वाते एक मुगतीदाता को जनम व्यो हे अन वोईस परबू मसी हे।

लूका 2:21

आटमें दन, जद्याँ बाळक का खतना को टेम आयो। जद्याँ वींको नाम ईसू राक्यो ग्यो। ज्यो नाम बाळक के मरियम के पेट में आबाऊँ पेल्याई हरग-दुत बता दिदो हो।

यहुन्ना 1:29

आगले दन यहुन्ने ईसू ने आपणाँ आड़ी आवता तका देकने क्यो, “ओ परमेसर को उन्यो हे, ज्यो दनियाँ का लोगाँ का पापाँ ने आपणाँ ऊपरे ले लेई।

यहुन्ना 4:42

वणा मनकाँ वीं लुगईऊँ क्यो, “अबे थाँरे केबाऊँईस विस्वास ने करा हा, पण माँ खुद ईंने हुणन जाणग्या हाँ के, योईस हाँची में ईं दनियाँ ने बंचाबावाळो हे।”

थरप्या तका का काम 13:23

अणीस मनक का बंसऊँ आपणो बचन पूरो करबा के वाते परमेसर इजराएल का लोगाँ ने बंचाबावाळा ईसू ने खन्दायो।

थरप्या तका का काम 3:26

परमेसर जद्याँ आपणाँ दास ईसू ने चुण्यो अन सबाऊँ पेल्याँ वींने थाँका नके खन्दायो, ताँके थाँने खराब गेलाऊँ थाँको मन बदलन आसीस देवे।

थरप्या तका का काम 4:12

बेस वोईस ईसू आपाँने बंचा सके हे, काँके ईं हारी धरती अन लोगाँ में दूजो नाम कोयने हे, जो आपाँने बंचा सके।

थरप्या तका का काम 5:31

परमेसर वींनेईस राजा अन छुड़ाबावाळो मानन आपणाँ जीमणा पाल्डे बेटा दिदो हे, ताँके इजराएली लोग ने आपणो पापाऊँ मन बदलबा को मोको मले अन परमेसर वाँका पापाँ ने माप करे।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

इब्रानियों 7:25

अन ज्यो वणीऊँ परमेसर हुदी जावे हे, वीं वाँने पूरो छुटकारो देवा का वाते ताकड़े हे, काँके वो वाँका वाते अरज करबा का वाते हमेस्यान जीवे हे।

1 यहुन्ना 1:7

अन यद्याँ आपाँ केवा के, आपाँ वींके हाते उजिता में हा अन वींके जस्यानीस उजिता में चाला हा, तो आपाँ एक विस्वासी का जस्यान एक-दूजाऊँ मलन रेवा हा अन परमेसर का बेटा ईसू मसी को खून आपणाँ हाराई पाप ने धो देवे हे।

1 यहुन्ना 3:5

थाँ ओ तो जाणो हो के, मसी लोगाँ का पापाँ ने धोवा का वाते परगट व्या हो अन वींके मयने कई पाप कोयने हे।

परकासितवाक्य 7:14

में वणीऊँ क्यो, “हे मालिक, थाँ तो जाणोई हो।” तो वणा माराऊँ क्यो, “ईं वीं मनक हे जी कळेस जेलन आया हे अन अणा आपणाँ गाबा ने उन्याँ का लुईऊँ धोन धोळा किदा हे।