मत्ती 1:20 - नुवो नेम (मेवड़ी नया नियम)

²⁰ जद्याँ वो ईं बाताँ पे होच-बच्यार कररियो हो के, परबू को एक हरग-दुत वींने हपना में दिक्यो अन केबा लागो, “हे युसुप, दाऊद की बेटा, थूँ आपणी हगई वीं तकी मरियमऊँ ब्याव करन अटे लेन आबाऊँ मती दरप, काँके ज्यो वींका पेट में हे, वो पुवितर आत्मा का आड़ीऊँ हे।

मत्ती 1:20 Iomraidhean Croise

मत्ती 1:18

ईसू मसी को जनम ईं तरिया व्यो, जद्याँ वींकी माँ मरियम की हगई यसुपऊँ वेगी तो वाँके ब्याव वेबा के, पेल्याई मरियम पुवितर आत्मा की तागतऊँ गरबवती वेगी।

मत्ती 2:12

परमेसर वाँने हपना में हेंचेत किदा के, हेरोदेस के नके पाच्छा मत जाज्यो, तो वे दूजाँ गेलाऊँ आपणे देस पराग्या।

मत्ती 2:13

वणा जोतिसी माराज के पाच्छा जाबा केड़े, परबू को एक हरग-दुत युसुप ने हपना में दिक्यो अन वींने क्यो, “उठ, बाळक अन वींकी माँ ने लेन मिसर नाम का देस में परोजा अन जतरे मूँ थने ने कूँ, वतरे वटेई रिज्ये। काँके हेरोदेस ईं बाळक ने होदरियो हे के, वींने मरबा नाके।”

मत्ती 2:19

हेरोदेस के मरिया केड़े परबू के हरग-दुत मिसर में युसुप के हपना में आन क्यो, “उठ, अन बाळक अन वींकी माँ ने लेन इजराएल देस में परोजा, काँके ज्यो बाळक ने मारणो छातो हो, वो तो मरग्यो हे।”

मत्ती 2:22

पण, युसुप यो हुणन के अरखिलाउस आपणाँ बाप हेरोदेस की जगाँ राज कररियो हे, तो वो वटे जाबाऊँ दरपग्यो, पछे पाच्छी हपना में परमेसर की आग्या हुणन गलील परदेस में परोग्यो।

मत्ती 27:19

जद्याँ पिलातुस न्याव की गाद्दी पे बिराज्यो तको हो तो वाँकी लुगई वींने ओ हमच्यार खन्दायो, “थूँ वणी धरमी मनक का मामला में भेळा मती रेज्ये। काँके में आज हपना में वाँका वाते घणो दुक जेल्यो हे।”

मत्ती 28:5

तद्याँ हरग-दुत वणा लुगायाऊँ क्यो, “दरपो मती, मूँ जाणूँ हूँ के, थाँ ईसू ने ज्यो हूळी पे चड़ायो ग्यो हो वींने होदो हो।

लूका 1:19

हरग-दुत वींने क्यो के, “मूँ जिबराईल हूँ। अन हमेस्यान परमेसर का हामे हाजीर रूँ हूँ। अन वणा मने थाँराऊँ बात करबा का वाते अन ओ हव हमच्यार केबा के वाते खन्दायो हे।

लूका 2:4

युसुप, गलील देस का नासरत नगरऊँ यहूदा परदेस में दाऊद का सेर बेतलेम ग्यो, काँके वो दाऊद का बंस को हो।

थरप्या तका का काम 5:19

पण, रात में परबुजी के एक हरग-दुत जेळ का कमाड़ा ने खोलन वाँने बारणे निकाळन क्यो,

परकासितवाक्य 19:7

ईं वाते आवो आपाँ राजी वेन खुसी मनावा, अन वाँकी जे-जेकार करा, काँके उन्याँ की ब्याव की त्यारी पुरी वेगी हे अन वींकी बिदणी वीं सज-धज ने त्यार बेटी हे।