लूका 9:51 - नुवो नेम (मेवड़ी नया नियम)

⁵¹ अन अस्यान व्यो जद्याँ वाँने हरग में उटाया जावा का दन पूरा वेबा में हा, तो ईसू यरूसलेम में जाबा का वाते ते किदो अन चाल पड़्यो।

लूका 9:51 Iomraidhean Croise

मरकुस 16:19

जदी परबू ईसू वाँकाऊँ बात कर लिदी, तो वे हरग में उठा लिदा ग्या। वो परमेसर का जीमणा पाल्ड़े जान बेटग्या।

लूका 12:50

मने एक कल्डा बतिस्मा की टेम में वेन जाणो अन जद्याँ तईं ओ पूरो ने वे जावे, तद्याँ तईं मने आराम ने मली।

लूका 13:22

ईसू जद्याँ नगर अन गाम-गाम उपदेस देता यरूसलेम जारिया हा।

लूका 17:11

पसे अस्यान व्यो के, वीं यरूसलेम में जाती दाण सामरिया अन गलील का बचमें वेन जारिया हा।

लूका 18:31

पसे ईसू आपणाँ बाराई थरप्या तका चेला ने एक आड़ी लेजान वाँकाऊँ क्यो, “देको, आपाँ यरूसलेम जारिया हाँ अन हारी बाताँ मूँ मनक का पूत का वाते परमेसर का आड़ीऊँ बोलबावाळा लिकी हे, वीं हारी पुरी वेई।

लूका 19:11

जद्याँ वी ईं बाताँ हुणरिया हा, तो ईसू एक केणी में वाँने क्यो काँके वी यरूसलेम का नके हा अन मनक हमजता हा के, परमेसर को राज अबाणू आबावाळो हे।

लूका 19:28

ईं बाताँ क्या केड़े ईसू चेला का आगे-आगे यरूसलेम का आड़ी चालबा लागा।

लूका 24:51

अन पसे आसिरवाद देतो तको ईसू वाँकाऊँ न्यारो वेन हरग में उठा लिदो ग्यो।

लूका 9:57

जद्याँ वी गेले-गेले जारिया हा। तो कणी वाँकाऊँ क्यो, “थाँ जटे-जटे जावो, मूँ थाँका पाच्छे आऊँ।”

यहुन्ना 13:1

फसे का तेवार पेल्याँ जद्याँ ईसू जाणग्यो के, “मारी वाँ घड़ी आ पूगी हे के, मूँ दनियाँ छोड़न बापू का नके जाऊँ।” तो ईसू आपणाँ लोगाऊँ ज्यो दनियाँ में हाँ, जस्यान परेम वो राकतो हो आकरी तईं वस्यानीस परेम राकतो रियो।

यहुन्ना 16:28

हा, मूँ परमेसर का आड़ीऊँ ईं दनियाँ में आयो अन अबे ईं दनियाँ ने छोड़न बापू का नके जारियो हूँ।”

यहुन्ना 16:5

अबे मारी टेम आगी हे के, मूँ मने खन्दाबावाळा का नके जाऊँ हूँ अन थाकामूँ कई माराऊँ ने पुच्छे के, ‘थूँ कटे जारियो हे?’

यहुन्ना 17:11

मूँ अबे दनियाँ में ने रेऊँ, पण ईं हाराई दनियाँ में रेई, अन मूँ थाँका नके आवूँ हूँ। हो पवितर बापू आपणाँ वीं नाम की तागतऊँ ज्यो थाँ मने दिदो हे, वाँकी रुकाळी करो, ताँके वीं हाराई आपणे जस्यान एक वे सके।

यहुन्ना 6:62

अन यद्याँ थाँ मनक का पूत ने जटे वो पेल्याँ हो, वीं जगाँ पाछो ऊपरे हरग में जाता तको देको, तो कई करो?

थरप्या तका का काम 1:2

परमेसर की पुवितर आत्मा ईसू ने हरग में लेन परीगी वीं दन तईं ईसू हिकई अन किदी। ईसू को हरग में जाबाऊँ पेल्या ईसू थरप्या तका चेला ने पुवितर आत्माऊँ उपदेस दिदा।

थरप्या तका का काम 1:9

आ बात केन वाँकाणी देकतईं देकता ईसू ने वटूँ हरग में उठा लिदा ग्या अन बादळा में वे नजराऊँ ओजल वेग्या।

इपिसियों 1:20

परमेसर मसी ने मरिया तकाऊँ पाछो जीवतो करन हरग में आपणाँ जीमणा पाल्ड़े बेटायो।

फिलिपियों 3:14

मूँ मकसद का आड़ी दोड़्यो जाऊँ हूँ, ताँके वो ईनाम पाऊँ ज्याँका वाते परमेसर मने ईसू मसी का गट-जोड़ में ऊपरे जीवन का वाते बलायो हे।

1 तिमुतियूस 3:16

कुई ने नट सके के, आपणाँ धरम को भेद कस्यो मोटा हे, वो ज्यो मनक का रूप में परगट व्यो, पुवितर आत्मा जिंने धरमी बतायो, अन हरग-दुत जिंने देक्यो, देसा देसा में वींको परच्यार करियो ग्यो, दनियाँ में वींपे विस्वास करियो ग्यो, अन मेमावान हरग में उठा लिदो ग्यो।

इब्रानियों 12:2

विस्वास का मालिक अन वींने सिद करबावाळा ईसू मसी का आड़ी आपाँ देकता रा। जणी आपणाँ हामें राक्या तका आणन्द का वाते लाज-सरम की चन्ता ने किदी अन हूळी पे दुक जेल्यो अन परमेसर की गादी के जीमणे पाल्डे जान बेटग्यो।

इब्रानियों 6:20

जटे ईसू आपणाँ आड़ीऊँ आपाऊँ पेली पोछ्याँ हे। वीं मलिकिसिदक की रिती के जस्यान हमेस्यान का वाते मायाजक बणग्या।

1 पतरस 3:22

वो हरग में परमेसर का जीमणा पाल्डे बेट्यो तको हे, अन अबाणू हरग-दुत, अदिकारी अन हारी सगत्याँ वींके बंस में कर दिदी गी हे।