लूका 9:41 - नुवो नेम (मेवड़ी नया नियम)

⁴¹ ईसू मनकाँ की भीड़ऊँ क्यो, “ओ बना विस्वास का मनक अन भटक्या तका लोगाँ मूँ थाँका हाते कटा तईं रेवूँ?” अन वींका बाप ने क्यो, “आपणाँ बेटा ने अटे ल्या।”

लूका 9:41 Iomraidhean Croise

मत्ती 11:28

“ओ थाँक्या, माँदा अन बोजऊँ दब्या तका मनकाँ, मारा नके आवो, मूँ थाँने आराम देवूँ।

मत्ती 12:39

पण ईसू वाँने क्यो, “ईं दनियाँ का हूँगला अन कुकरमी लोग हरग को हेन्याण मागे हे, पण परमेसर का आड़ीऊँ बोलबावाळा योना का हेन्याण ने छोड़न कुई दूज्यो हेन्याण वाँने ने दिदो जई।

मत्ती 12:45

तद्याँ वाँ जान आपणाँऊँ ओरी हुगली हात आत्माने आपणाँ हाते ले आवे हे, अन वीं वींमें धसने वटे वास करे हे, अन वीं मनक की पाछली दसा पेल्याऊँ भी हुगली वे जावे हे। ईं जुग का हूँगला मनकाँ की दसा भी अस्यानीस वेई।”

मत्ती 16:4

ईं जुग का हूँगला अन कुकरमी मनक हेन्याण की मांग करे हे, पण योना का हेन्याण ने छोड़ वाँने ओरू कुई हेन्याण ने दिदो जाई।” अन पछे ईसू वाँने छोड़न परोग्यो।

मत्ती 17:17

ईसू वींकी बात हुणन क्यो, “अरे बना विस्वास का मनक, मूँ थाँकी लारे कतरा दन तईं रेऊँ? अन कतरा दन थाँकी बाताँ ने सेण करूँ? वीं छोरा ने मारा नके लावो।”

मत्ती 23:36

मूँ थाँने हाँची केवूँ हूँ के, ईं हारी बाताँ को दण्ड ईं पीड़ी का लोगाँ ने भुगतणो पड़ी।

मत्ती 3:7

जद्याँ यहुन्ने यो देक्यो के, नरई फरीसी अन सदुकी वाँका नके बतिस्मो लेबा ने आरिया हे तो वणी वाँकाऊँ क्यो, “ओ, हाँप का बच्या। थाँने कणी हेंचेत कर दिदा हे के, थाँ परमेसर की आबावाळी रीसऊँ बंच निकळो?

मरकुस 10:14

जदी ईसू यो देक्यो, तो वाँने घणी रीस अई। पछे वणा चेला ने क्यो, “फोरा-फोरा बाळकाँ ने मारा नके आबा दो। वाँने रोको मती, काँके परमेसर को राज अस्या कुईस हे।

मरकुस 10:49

जदी यो देकने ईसू रक्या अन बोल्या, “वींने मारा नके लावो।” तो वे लोग वीं आन्दा मनक ने बलान लाया अन वींने क्यो, “हिम्मत राक, ऊबो वे। वो थने बलारियो हे।”

मरकुस 9:19

पछे ईसू वाँने क्यो, “अरे बना विस्वास का मनक, मूँ थाँकी लारे कतरा दन तईं रेऊँ? अन कतरा दन थाँकी बाताँ ने सेण करूँ। छोरा ने मारा नके लावो।”

लूका 8:25

अन वणा वाँकाऊँ क्यो, “थाँको विस्वास कटे हो?” पण वीं दरपग्या अन अचम्बा में आग्या अन एक-दूजाऊँ केबा लागा, “ईं कूण हे? ज्यो डूँज अन पाणी ने भी आग्या देवे हे, अन वी अणाको केणो माने हे।”

लूका 9:40

में थाँरा चेलाऊँ ईं हुगली आत्माने बारणे निकाळबा के वाते परातना करई। पण, वीं ईंने ने निकाळ सक्या।”

लूका 9:42

वो वीं छोरा ने लईरो हो तद्याँ हुगली आत्मा छोरा ने पटकन मरोड़्यो। पण, ईसू वणी हुगली आत्माने तापड़ी अन छोरो ने हव करन वींका बाप ने हूँपे दिदो।

यहुन्ना 14:9

ईसू वींने क्यो, “हे फिलिपुस, मूँ अतरा दनाऊँ थाँरा हाते हूँ, अन कई थूँ मने ने ओळके हे? जणी मने देक्यो हे वणी बापू ने देक्या हे। तो थूँ काँ केवे हे के, ‘माने बापू का दरसण करई दे’?

यहुन्ना 20:27

तद्याँ ईसू ने थोमाऊँ क्यो, “आपणी आँगळी लगान मारा हाताँ ने देक अन आपणो हात पाळा में गाल। विस्वास मती छोड़, पण विस्वासवाळो बण।”

थरप्या तका का काम 13:18

अन पछे चाळी सालाँ तईं वो हुन्ना काँकड़ में वाँने सेण करतो रियो।

थरप्या तका का काम 2:40

पतरस नरई बाताँ केन गवई देन अन अरज करन क्यो, “ईं खराब पिड़ीऊँ खुद ने बंचान राको।”

रोमियों 2:4

कई थूँ वींकी दया अन वींकी सेण समता अन धिरजपणा ने बेकार हमजे हे? अन कई थूँ ओ ने जाणे हे के, परमेसर की दया थने पापऊँ मन फेरवा का आड़ी ले जावे हे।

इब्रानियों 3:19

ईं तरियाँ आपाँ देका हा के, वीं आपणाँ बना विस्वास के मस, रईम्बावाळी जगाँ में ने जा सक्या।

इब्रानियों 4:11

ईं वाते आवो, आपाँ भी रईम्बावाळी जगाँ में जाबा का वाते कोसीस करा, कटे अस्यान वे के, कुई मनक वाँके जस्यान आग्याने ने मानन वीं रईम्बावाळी जगाऊँ चूक जावे।

इब्रानियों 4:2

काँके आपाँने वाँके जस्यानीस हव हमच्यार हुणायो ग्यो हे, पण हुण्या तका बचनऊँ वाँने कई नफो ने व्यो, काँके वीं हूणबावाळा वींने विस्वास के हाते ने हुण्यो हो।

इब्रानियों 7:25

अन ज्यो वणीऊँ परमेसर हुदी जावे हे, वीं वाँने पूरो छुटकारो देवा का वाते ताकड़े हे, काँके वो वाँका वाते अरज करबा का वाते हमेस्यान जीवे हे।