लूका 9:22 - नुवो नेम (मेवड़ी नया नियम)

²² ईसू चेलाऊँ क्यो, “मूँ, मनक का पूत का वाते यो घणो जरूरी हे के, मूँ दुक जेलूँ अन भूण्डा यहूदी नेता, मोटा याजक अन धरम गरू मने नकारन मार देई अन मूँ तीजे दन पाछो जी उटायो जाऊँ।”

लूका 9:22 Iomraidhean Croise

मत्ती 17:12

पण मूँ थाँकाऊँ केवूँ हूँ के, एलियो आग्यो हे, अन लोग-बागाँ वींने ने ओळ्क्यो। पण जस्यान छाया वस्यान वींका हाते किदो। अणीस तरियाँ मनक को पूत भी वाँका हाताऊँ दुक उटाई।”

मत्ती 17:22

जद्याँ वीं गलील में हाँ, तो ईसू वाँने क्यो, “मनक को पूत मनकाँ का हाताँ में धोकाऊँ पकड़वायो जाई।

मत्ती 27:63

“हो माराज, माने आद हे के, वो भटकबावाळो जद्याँ वो जीवतो हो, तो वणी क्यो हो के, ‘मूँ तीन दनाँ केड़े पाछो जी उटूँ।’

मरकुस 8:31

अन वो वाँने हिकाबा लागो, “मनक का पूत(ईसू) ने घणो दुक जेळणो पेड़ी अन पंच, मोटो याजक अन मूसा का नेमा ने हिकाबावाळाऊँ वो भुला दिदो जाई अन हाँची में वो मारियो जाई अन पछे तीजे दन वो मरयाँ तका मूँ जीवतो वे जाई।”

मरकुस 9:31

काँके वो आपणाँ चेला ने उपदेस देरियो हो, “मनक को पूत (ईसू) धोकाऊँ पकड़वायो जाई अन वे वींने मार देई। मरिया पछे तीन दन के केड़े वो पाछो जीवतो वे जाई।”

लूका 17:25

पण, पेल्याँ ओ जरूरी हे के, मूँ हेलाऊँ हेलो दुक उठऊँ अन अणी पीड़ी का लोग-बागाऊँ त्याग्यो जावे।

लूका 24:26

कई ओ जरूरी ने हो के, मसी ओ दुक जेलन आपणी खुद की मेमा में जावे?”

लूका 24:44

पसे ईसू वाँकाऊँ क्यो, “ईं मारी वीं बाताँ हे, जद्याँ मूँ थाँके हाते रेते तके थाँकाऊँ क्यो हो। जतरी बाताँ मूसा के नेमा में अन परमेसर का आड़ीऊँ बोलबावाळा अन भजनाँ की किताब में मारा बारा में लिकी तकी हे, वीं हारी पुरी वेणीईस हे।”

लूका 24:7

‘ओ जरूरी हो के, मूँ मनक का पूत पाप्याँ का हाताँ में पकड़वायो जाऊँ अन पसे मूँ हूळी पे चड़ा दिदो जाऊँ अन मूँ पाछो तीजे दन जीवतो वे जाऊँ।’ ”

लूका 9:44

“अबे मूँ ज्यो केरियो हूँ, वो कानो देन हुणो। मूँ मनक को पूत मनकाँ का हाताँ में धोकाऊँ पकड़वायो जाऊँ।”

1 कुरिन्थियों 15:4

अन वींने कबर में मेल दिदो पण सास्तर में लिक्यो तको हे के, वो तीजे दन पाछो जीवतो वेग्यो।

1 पतरस 1:11

अन वीं परमेसर का आड़ीऊँ बोलबावाळा मसी की आत्माऊँ यो भी जाणे हे के, मसी पे दुक आबावाळो हे अन वणी दुक का केड़े वींकी मेमा भी वेई। वाँ आत्मा वाँने बतावे हे के, ईं बाताँ कदी वेई अन तद्याँ ईं दनियाँ को कई वेई।