लूका 9:11 - नुवो नेम (मेवड़ी नया नियम)

¹¹ ईं बात को पतो लोगाँ ने पड़ग्यो तो हाराई लोग वाँके पाच्छे चालबा लागग्या। ईसू वाँकी आवभगत किदी अन परमेसर का राज की बाताँ बताबा लागग्या। ज्यो मनक हव वेणा छारिया हा वाँने ईसू हव किदा।

लूका 9:11 Iomraidhean Croise

मत्ती 12:15

ईसू वणा लोगाँ की बात ने जाणन वटाऊँ पराग्या अन नरई लोग-बाग वाँका पाच्छे चालबा लागा, अन वाँकाणी वाँ हाराई ने वाँकी मांदकीऊँ हव किदा।

मत्ती 14:14

जद्याँ ईसू नावऊँ बारणे आया तो वणा एक मोटी भीड़ देकी तो वाँने वाँका पे दया आगी अन माँदा मनकाँ ने हव किदा।

मत्ती 21:31

बतावो अणा दुयाँ मूँ कणी बाप की बात मानी?” वाँकाणी क्यो, “पेले बेटे।” ईसू वाँने क्यो, “मूँ थाँने हाचेई केवूँ हूँ के, कर लेबावाळा अन वेस्या थाँकाऊँ पेल्या परमेसर का राज में जाई।

मत्ती 21:43

“ईं वाँते मूँ थाँकाऊँ केऊँ हूँ के, परमेसर को राज थाँकाऊँ ले लिदो जाई अन अस्या लोगाँ ने दे दिदो जाई, ज्यो वींकी राज का वाते हाक लाई।

लूका 1:53

वणी भूका ने हव चिजाँऊँ भर दिदा अन रिप्यावाळा ने खाली हाताई काड़ दिदा।

लूका 5:31

ईसू वणाऊँ क्यो, “इलाज हव मनकाँ का वाते कोयने पण, माँदा मनकाँ का वाते हे।

लूका 8:1

ईंका केड़े ईसू नगर-नगर अन गामाँ-गामाँ में परमेसर का राज को हव हमच्यार हुणाता तका फरबा लागा। अन वीं थरप्या तका बारा चेला भी वाँका हाते हा।

लूका 8:10

ईसू वाँने क्यो, “थाँने परमेसर का राज का भेद ने हमजबा की हमज दिदी गी हे, पण दूजाँ ने ईं बात ने केणी में हुणई जावे हे के, “‘वीं देकता तका भी ने देके अन हूणता तका भी ने हुणे।’”

लूका 9:10

पसे थरप्या तका चेला पाच्छा आया। ज्यो कई व्यो, वो ईसू ने बता दिदो अन पसे ईसू वाँने अलग करन आपणाँ हाते लेन बेतसेदा नगर में पराग्या।

लूका 9:12

जद्याँ दन आँतबा में हो तो बाराई चेला ईसू का नके आन क्यो, “लोगाँ ने हिक दो परी, ताँके वीं अड़े-भड़े का गामाँ अन ढाण्याँ में जान रे सके अन खाणो खा सके, काँके आपीं तो अटे हुन्ना काकड़ में हा।”

लूका 9:2

वाँने परमेसर का राज को परच्यार करबा का वाते अन माँदा मनकाँ ने हव करबा का वाते हक का हाते खन्दाया।

यहुन्ना 4:34

ईसू वाँने क्यो, “मारो खाणो ओ हे के, मूँ मने खन्दाबावाळा की मरजी पे चालूँ अन वींको काम पूरो करूँ, ज्यो वणी मने हुप्यो हे।

यहुन्ना 6:37

ज्याँने भी परमेसर मने हुप्याँ हे वीं हाराई मारा नके आई अन ज्यो कुई मारा नके आई, वणाऊँ मूँ कदी भी मुण्डो ने फेरूँ।

थरप्या तका का काम 28:31

वो खुलेआम अन बना रोक-टोक परमेसर का राज को परच्यार करतो रियो अन परबू ईसू मसी की बाताँ हिकातो रियो।

रोमियों 10:14

पण ज्यो वींपे विस्वास ने करे, वीं वींको नाम कस्यान लेई? अन जणा वींके बारा में हुण्यो भी ने हे, वीं वींपे विस्वास कस्यान करी? अन जद्याँ तईं वाँने कुई उपदेस देबावाळो ने वेवे तो वीं कस्यान हुण सकी?

रोमियों 10:17

हूणबाऊँ विस्वास आवे हे अन हूणणो मसी का बचनाऊँ वेवे हे।

रोमियों 15:3

अटा तईं के मसी भी खुद ने राजी ने किदो हो। पण जस्यान मसी का बारा में सास्तर केवे हे के, “जणा थाँरो अपमान किदो हो, वो अपमान मारा पे आ पड़्यो हे।”

2 तिमुतियूस 4:2

परमेसर का हव हमच्यार को परच्यार कर, पलई ईंने हाराई मनक ने माने, पण ईंका केड़े भी थूँ ईंने पूरा मनऊँ करतो रे। थूँ लोगाँ ने सई कर अन वाँका पापाँ को वाँने ध्यान करान चेता। हातेई हाते वाँने उदास मती वेबा दे, वाँने सला देती दाण हमेस्यान धीरज राकज्ये।

इब्रानियों 4:16

ईं वाते आवो, आपीं हिम्मत का हाते परमेसर की दया की गादी का आड़ी चाला, ताँके आपाँ पे दया वे अन करपा पावा, ज्या जरूत की टेम में आपणी मदत करे।