लूका 8:47 - नुवो नेम (मेवड़ी नया नियम)

⁴⁷ जद्याँ वणी लगई देक्यो के, मूँ भाग तो ने सकूँ हूँ, तो वाँ धूजती तकी ईसू का हामे अई अन वाँके पगाँ में पड़न हाराई लोगाँ का हामे बतायो के, में किंका वाते अणाके हात अड़ायो अन कस्यान फटाकऊँ हव वेगी।

लूका 8:47 Iomraidhean Croise

मत्ती 28:8

वीं लुगायाँ दरपी तकी अन आणन्द का हाते कबर पूँ वाँका चेला ने हव हमच्यार देबा का वाते दोड़न गी।

मरकुस 5:33

पछे, वा लुगई यो जाणती तकी के वींने कई व्यो हे, ईं वाते वाँ दरपऊँ धूजती तकी ईसू का हामे अई अन वींका पगाँ पड़न हंगळी बात सई-सई के दिदी।

लूका 8:46

पण ईसू क्यो, “कणी तो मारे हात अड़ायो हे, मने खबर पड़ी हे के, मारा मेंऊँ तागत निकळी हे।”

लूका 8:48

ईसू वणी लुगईऊँ क्यो, “हे बेटी थाँरे विस्वासईस थने हव किदी हे, राजी खुसीऊँ परी जा।”

थरप्या तका का काम 16:29

तद्याँ अदिकारी उजिता वाते पूँछ्यो अन दरपन धूजतो तको पोलुस अन सिलास के पगाँ पड़ग्यो,

1 कुरिन्थियों 2:3

ईं वाते मूँ कमजोरी का हाते दरपणीऊँ धूजतो तको थाँका नके आयो।

2 कुरिन्थियों 7:15

वो जद्याँ ओ आद करे हे के, थाँ हाराई कस्यान वींकी आग्या मानी ही अन दरपऊँ धूँजता तका कस्यान वींकी आवभगत किदी ही, तो वींको परेम थाँका वाते ओरू भी हेलो बड़ जावे हे।

फिलिपियों 2:12

ईं वाते ओ मारा लाड़ला भायाँ, जद्याँ मूँ थाँका हाते हो वीं दाण जस्यान थाँ मारी आग्या हरदाण मानता हा वस्यानीस अबे भी जदी मूँ छेटी हूँ वणीऊँ हेली आग्या मानता रेवो। थाँकी मुगती ने पुरी करबा का वाते, दरपता अन धूँजता तका मेनत करता रो।

इब्रानियों 12:28

अबे आपाँने एक अस्यो राज मलरियो हे, ज्यो हलायो ने जा सके हे, तो आवो, आपाँ दरपणी राकन परमेसर को आदर करता तका भगती का हाते धन्नेवाद देवा। जीं भगतीऊँ परमेसर राजी वे सके।