लूका 8:33 - नुवो नेम (मेवड़ी नया नियम)

³³ तद्याँ हुगली आत्मा की टोळी वणी मनकऊँ निकळन हूँरा की रेवड़ में गी अन वाँ घाटी मेंऊँ पड़ता-गुड़ता तका भागन समन्द में जान डुबगी अन मरगी।

लूका 8:33 Iomraidhean Croise

मत्ती 8:32

ईंपे ईसू वाँकाऊँ क्यो, “जावो!” अन वीं वणा दुई मनकाँऊँ निकळन हूँरा में धसगी अन हारी रेवड़ घाटीऊँ पड़ती-गुड़ती तकी समन्द में जान डुब मरी।

लूका 5:1

एक दाण ईसू गन्नेसरत का समन्द का कनारे ऊबा तका हा अन लोगाँ की भीड़ परमेसर का बचन हुणाबा का वाते वाँके च्यारूँमेर ऊबी तकी ही।

लूका 8:32

वीं टेम में मंगरा का माते हूँरा की एक रेवड़ चररी ही। ईं वाते वणा हुगली आत्मा ईसुऊँ अरज किदी के, वो वाँने हूँरा में जाबा दे। तो ईसू वाँने हूँरा में जाबा की हाँ कर दिदी।

लूका 8:34

गवाळ ज्यो व्यो हो, वो देकन भागग्या अन वणा नगर अन गामाँ में जान आ आक्याँ देकी बात बतई दिदी।

यहुन्ना 8:44

थाँको बाप तो सेतान हो अन थाँ वींकी मरजी ने पुरी करणा छावो हो। वो तो ठेटऊँ हत्यारो हो। वो कदी भी हाँच का आड़ी ने रियो, काँके वींमें हाँच कोयने हे, जद्याँ वो जूट बोले हे, तो आपणाँ हाव-भाव के तरिया बोले हे। काँके वो जूटो हे अन हरेक जूट को बाप हे।

1 पतरस 5:8

थाँ हूँस्यार रेवो अन जागता रेज्यो, काँके थाँको दसमण सेतान दहाड़ करबावाळो नार की जस्यान ईं भाळ में हे के, वो थाँने फाड़न खावे।

परकासितवाक्य 9:11

पाताळ को दूत वणा को राजा हो, वींको नाम इबरानी बोली में अबद्दोन अन युनानी बोली में अपुलयोन हो। अणा दुई नामा को अरत नास करबावाळो वेवे हे।