लूका 8:3 - नुवो नेम (मेवड़ी नया नियम)

³ अन हेरोदेस का दरबार का एक अदिकारी खुजा की लुगई योअन्ना अन सुसन्ना अन घणी हारी दूजी लुगायाँ ही। ईं आपणी धन-दोलतऊँ ईसू अन वाँका चेला की सेवा-चाकरी करती ही।

लूका 8:3 Iomraidhean Croise

मत्ती 14:1

वी टेम गलील का राजा हेरोदेस ईसू का बारा में हामळयो।

मत्ती 14:3

काँके पेल्याँ हेरोदेस आपणो भई फिलिपुस जद्याँ जीवतो हो तद्याँ वींकी लुगई हेरोदियासऊँ ब्याव कर नाक्यो हो, जणी वजेऊँ यहुन्ने हेरोदेस ने ओळमो दिदो हो के, थने थाँरे भई की लुगई ने राकणी नेमा हस्याबूँ सई ने हे, तो हेरोदियास के केबाऊँ हेरोदेस वींने जेल में नकवा दिदो हो।

मत्ती 14:6

पण जद्याँ राजा हेरोदेस को जनम को दन आयो, तो हेरोदियास की छोरी मेमाना का हामे नाच बतान राजा हेरोदेस ने घणो राजी किदो।

मत्ती 2:11

वीं वणी घरे ग्या, जटे बाळक ने वींकी बई मरियम की लारे देक्यो अन गोडा टेकन वींको नमस्कार किदो। आपणी–आपणी जोळ्या खोलन वींने होना, लोबान अन अंतर भेंट किदा।

मत्ती 20:8

“हाँज पड़्या अंगूरा का बाग के मालिक आपणाँ मुनीमऊँ क्यो, ‘दानक्याँ ने बलान पालाऊँ लेन आगे का हाराई ने दानकी दिदे।’

मत्ती 25:40

“तद्याँ राजा वाँने केई, ‘मूँ थाँकाऊँ हाँची केवूँ हूँ के, थाँ ज्यो मारा ईं फोराऊँ फोरा भायाँ मेंऊँ किंका एक का लारे भी किदो, तो वो माराईस हाते किदो हे।’

मत्ती 26:11

गरीब-भिकारी तो थाँका नके हमेस्यान रेवे हे, पण मूँ थाँका हाते ने रेऊँ।

मत्ती 27:55

वटे नरई लगाया ज्यो गलीलऊँ ईसू की सेवा-चाकरी करती तकी वाँका हाते आई ही, वीं छेटीऊँ ओ देकरी ही।

लूका 24:10

जणा लुगायाँ थरप्या तका चेला ने आ बात बतई ही वणामें मरियम मगदलीनी अन योना अन याकूब की बई मरियम अन वणा का हाते की दूजी लुगायाँ भी ही।

यहुन्ना 12:6

वाँकाणी या बात ईं वाते ने की के, वींने गरीबा की चन्ता ही। पण ईं वाते क्यो, काँके वो चोर हो। वाँका नके वाँके रिप्या की नोळी ही अन वो वींमेंऊँ रिप्या काड़ लेतो हो।

थरप्या तका का काम 13:1

अन्ताक्या का विस्वास्याँ की मण्डली में परमेसर का आड़ीऊँ बोलबावाळा अन हिकाबावाळा हा, बरनबास अन समोन जो नीगर केवावे हे, अन कुरेन को लुकियुस, देस का चोता हिस्सा को राजपाल हेरोदेस की लारे पळ्या-बड़्या मनाएन अन साउल जस्या नरई हिकाबावाळा हा।

2 कुरिन्थियों 8:9

काँके थाँ आपणाँ परबू ईसू मसी की दया ने तो जाणोइस हो अन थाँ ओ भी जाणो हो के, वीं अमीर वेता तका भी थाँका वाते गरीब बणग्या। जणीऊँ वाँकी गरीबीऊँ थाँ अमीर वे जावो।

फिलिपियों 4:22

हाराई पुवितर लोग, खासकरन रोम का माराजा का मेल में काम करबावाळा थाँने आद करे हे।

1 तिमुतियूस 5:10

अन जिंको हव काम करबा में नाम मान्यो तको वे, अन ज्या आपणाँ बाळकाँ ने हव तरिया पालण किदो वे, जणी अणजाण की भी सेवा किदी वे, परमेसर का लोगाँ की आपणाँ घर में आवभगत किदी वे, दकी मनकाँ की मदत किदी वे, अन जणी खुद हाराई भला काम करबा में आपणो मन लगायो वे।