लूका 8:27 - नुवो नेम (मेवड़ी नया नियम)

^27-29 जद्याँ ईसू कनारे उतरियो, तो वणी नगर को एक मनक वाँकाऊँ मल्यो, जिंमें हुगली आत्मा ही अन वो घणा दनाऊँ नागो-पुगो फरतो हो वो घरे ने रेतो हो, पण कबराँ मेंईस रेतो हो। अन जद्याँ मनक वींका हात-पगाँ ने हाँकळा अन बेड़्याऊँ बांदता हा, तो वो वणा ने तोड़ नाकतो हो, अन हुगली आत्मा वींने हुन्ना काकड़ में ले जाती ही। वो ईसू ने देकन हाको करबा लागो अन धोग देन केबा लागो, “हो परम-परदान परमेसर का बेटा ईसू, मने थाँकाऊँ कई लेणो-देणो। मूँ अरज करूँ हूँ, मने दुक मती दो।” काँके, ईसू वणी हुगली आत्माने वणी मनक मेंऊँ निकळबा की आग्या दे रिया हा।

लूका 8:27 Iomraidhean Croise

मत्ती 4:24

हाराई सिरिया देस में वाँको हव हमच्यार फेलग्यो। ईं वाते लोग अस्या हाराई मनकाँ ने ज्यो तरे-तरे की मांदकीऊँ माँदा हा, जणामें हुगळी-आत्मा, जाँने मरगी का जोला आता हा, अन जीं लकवा का माँदा हाँ, वाँने ईसू का नके लाया अन ईसू वाँने हव किदा।

मरकुस 5:15

वीं ईसू का नके ग्या अन देक्यो के, वो मनक, जिंमें नरी हुगली आत्मा रेती ही, वींने गाबा पेरियो तको अन पुरी तरियाऊँ ठीक वेन वटे बेटो तको देकन वीं दरपग्या हा।

लूका 8:26

पसे वीं नावऊँ समन्द ने पार करन गरासेनिया का परदेस में पूगा ज्यो गलील का समन्द के पेले पाल्ड़े हो।