लूका 8:22 - नुवो नेम (मेवड़ी नया नियम)

²² पसे एक दन अस्यो वे के, वीं आपणाँ चेला का हाते नाव में बेट्या अन वाँकाऊँ क्यो के, “आवो, समन्द का पेली पाल्ड़े चाला, तो वीं चाल पड़्या।”

लूका 8:22 Iomraidhean Croise

मत्ती 14:22

तद्याँ वाँकाणी आपणाँ चेला ने नाव पे चड़ाया ताँके वीं वाँकाऊँ पेल्याँ पेली परा जावे, जतरे मूँ लोगाँ ने हिक देन अऊँ।

मत्ती 8:18

जद्याँ ईसू आपणाँ च्यारूँमेर लोगाँ की टोळी देकी तो वाँकाणी आपणाँ चेला ने समन्द का पेली पाल्ड़े जाबा को आदेस दिदो।

मरकुस 5:21

ईसू जद्याँ नावऊँ समन्द के पेले पाड़े ग्यो, तद्याँ वाँके च्यारूँमेर एक घणी भीड़ वीं कनारा पे भेळी वेगी ही।

मरकुस 6:45

पछे, जट ईसू आपणाँ चेला ने नाव पे चड़ाया, ताँके जतरे ईसू वीं भीड़ ने विदा करे, वतरे वीं वाऊँ पेल्याँ पेला पाल्ड़े बेतसेदा परा जावे।

मरकुस 8:13

पछे वो वाँने छोड़न पाछो नाव में आग्यो अन समन्द का पेला पाल्ड़े परोग्यो।

लूका 5:1

एक दाण ईसू गन्नेसरत का समन्द का कनारे ऊबा तका हा अन लोगाँ की भीड़ परमेसर का बचन हुणाबा का वाते वाँके च्यारूँमेर ऊबी तकी ही।

लूका 8:23

पण जद्याँ नाव चालरी ही, जद्याँ ईसू हूँ ग्या हा। तद्याँ अणाचेत की समन्द में ज्योरऊँ डूँज चालबा लागी, अन नाव में पाणी भरबा लागग्यो अन वी घणी अबकी टेम में आग्या।

लूका 8:33

तद्याँ हुगली आत्मा की टोळी वणी मनकऊँ निकळन हूँरा की रेवड़ में गी अन वाँ घाटी मेंऊँ पड़ता-गुड़ता तका भागन समन्द में जान डुबगी अन मरगी।

यहुन्ना 6:1

ईंका केड़े ईसू गलील समन्द के पेली पार ग्या, जिंने तिबिरियस समन्द भी केता हा।

थरप्या तका का काम 27:2

अदमुतियुम को एक जाँज जो आसिया का बन्दरगा में वेन जाबावाळो हो, माँ वींपे चड़न चाल पड़्या अन थिसलुनीके को मकिदुनीवाळो अरिस्तखुस नाम को मनक माकाँ हाते हो।