लूका 8:2 - नुवो नेम (मेवड़ी नया नियम)

² अन हुगली आत्मा अन मांदकीऊँ हव वी तकी नरी लुगायाँ भी वाँका हाते ही। वाँका मूँ हात हुगली आत्माऊँ हव वी तकी मरियम मगदलीनी नाम की एक लुगई भी ही।

लूका 8:2 Iomraidhean Croise

मत्ती 4:24

हाराई सिरिया देस में वाँको हव हमच्यार फेलग्यो। ईं वाते लोग अस्या हाराई मनकाँ ने ज्यो तरे-तरे की मांदकीऊँ माँदा हा, जणामें हुगळी-आत्मा, जाँने मरगी का जोला आता हा, अन जीं लकवा का माँदा हाँ, वाँने ईसू का नके लाया अन ईसू वाँने हव किदा।

मरकुस 16:1

आराम का दन निकळ्या केड़े मरियम मगदलीनी, सलोमी अन याकूब की माँ मरियम ईसू की लास के वाते हव वाना की चिजाँ मोल लिदी।

मरकुस 16:9

हपता के पेले दन दितवार ने वो जीवतो व्या केड़े, हारऊँ पेल्याँ मरियम मगदलीनी का मुण्डागे परगट व्यो, जिंने वे हात हुगली आत्माऊँ छुटकारो दिदो हो।

लूका 23:27

अन लोग-बागाँ की मोटी भीड़ वींका पाच्छे चालरी ही अन वाँका में नरी लुगायाँ भी ही, जी ईसू का वाते रोरी ही अन छाती कुटरी ही।

लूका 23:49

पण ईसू की जाण-पेचाणवाळा अन जीं लुगायाँ गलीलऊँ वींकी लारे अई ही, वीं हाराई छेटी ऊबी रेन ओ हारोई देकरी ही।

लूका 23:55

गलील परदेसऊँ अई तकी लुगायाँ भी वींका हाते वटे अई। वणा भी ईं कबर ने देकी अन ओ देक्यो के, लास ने वटे कस्यान मेली ही।

लूका 8:30

ईसू वींने पूँछ्यो, “थारो नाम कई हे?” वणी क्यो, “मारो नाम टोळी हे।” काँके नरी हुगली आत्मा वींका में ही।

यहुन्ना 19:25

ईसू की हूळी का भड़े वींकी बई, वींकी मासी, क्लोपास की घरवाळी मरियम अन मरियम मगदलीनी ऊबी ही।

थरप्या तका का काम 1:14

ईं हाराई रोज एक मन वेन परातना करबा वाते भेळा वेता हा। आका हाते थोड़ीक लुगायाँ, ईसू की बई मरियम अन ईसू का भई भी हा।