लूका 8:18 - नुवो नेम (मेवड़ी नया नियम)

¹⁸ ईं वाते ध्यानऊँ हुणो के, थाँ कस्यान हुणरिया हो? जणी का नके हे, वींने ओरू भी दिदो जाई। अन जिंका नके ने हे, वींकाऊँ वो भी ले लिदो जाई, जिंने वीं आपणाँ खुद को हमजे हे।”

लूका 8:18 Iomraidhean Croise

मत्ती 13:12

ज्यो मारी बाताँ हुणे अन हमजे हे, परमेसर वींने ओरी घणी हमज देई पण ज्यो मारी बाताँने कोयने हुणे अन ने हमजे हे वो ज्यो कई भी हमजे हे वींने भी भुल जाई।

मत्ती 25:29

काँके जिंका नके हे, वींने ओरी दिदो जाई अन वींका नके नरोई वे जाई, पण ज्याँका नके ने हे, वाँकाऊँ ज्यो कई भी वाँका नके हे, ले लिदो जाई।

मरकुस 13:14

“तद्याँ थें ‘उजाड़ करबावाळी अबकी चिजाँ ने’, जटे ने वेणी छावे, वटे ऊबी देको। (भणबावाळा हमज ले ईंको कई मतलब हे) जदी ज्यो मनक यहूदियाँ देस में वेई, वींने मंगरा में भाग जाणो छावे।

लूका 19:26

मूँ थाँकाऊँ केवूँ हूँ के, ‘जिंका नके हे, वींने ओरी दिदो जाई अन जिंका नके ने हे, वणीऊँ ज्यो भी वींका नके हे, ले लिदो जाई।

लूका 9:44

“अबे मूँ ज्यो केरियो हूँ, वो कानो देन हुणो। मूँ मनक को पूत मनकाँ का हाताँ में धोकाऊँ पकड़वायो जाऊँ।”

यहुन्ना 15:2

ज्याँ डाळी मारा में हे अन फळ ने लावे हे, वो वींने काट नाके हे अन ज्या फळ देवे हे, वींने वो छांगे हे, ताँके वाँ साप वे सके अन ओरी फळ लावे।

थरप्या तका का काम 10:33

ईं वाते में तरत थने बलाबा खन्दाया अन थें अटे आन हव काम किदो। तो अबे परमेसर की मोजुदगी में माँ वो हारई हुणबा के वाते त्यार हा, जो परबू थने आदेस दिदो हे।

थरप्या तका का काम 17:11

बिरिया का लोग थिसलुनीके का लोगाऊँ खुला मन का हा। आपणो मन लगान बचन हूणता हा अन हरेक दन पुवितर सास्तर में होदता के, जो भी पोलुस केरियो हे, वो हे के ने हे।

रोमियों 12:3

ईं वाते वींकी दया की वजेऊँ ज्या मने मली हे। वींने ध्यान में लेन मूँ थाँने केवूँ हूँ जतरा थाँ हो वणी हेला खुद ने मती हमजो हे, पण विस्वास का जस्यान जतरी कबालियत परमेसर थाँने दिदी हे वतरोइस खुद ने हमजो।

1 कुरिन्थियों 14:37

अन यद्याँ कुई खुद ने परमेसर का आड़ीऊँ बोलबावाळो जाणे अन वींने आत्मिक वरदान भी मल्यो वे तो वींने ओ जाण लेणो छावे के, मूँ थाँने ज्यो कई भी लिकरियो हूँ, ओ परबू की आग्या हे।

1 कुरिन्थियों 3:18

थाँ आपणाँ खुद ने धोका मती दो। यद्याँ थाँकामूँ कुई ईं दनियाँ में आपणाँ खुद ने ग्यानवाळो हमजे तो वींने बना अकल को बणणो छावे के, वो ग्यानवाळा वे जावे।

1 कुरिन्थियों 8:2

यद्याँ कुई हमजे के, वो कई जाणे हे पण ज्यो वींने जाणणो छावे वो तो वो जाणे कोयने हे।

फिलिपियों 3:4

हाँ, मूँ भी अणा चिजाँ पे भरोसो राक सकूँ हूँ। यद्याँ कुई होचे के, माँ भी अणामें अतरो भरोसो राक सका हा तो मारा नके अणीऊँ भी हेलो राकबा का वाते नरी बाताँ हे।

इब्रानियों 2:1

आपाँ ज्यो भी बात हूणी हे वणा बात पे आपाँने मन लगाणो छावे, जणीऊँ आपाँ भटकाँ कोयने।