लूका 8:16 - नुवो नेम (मेवड़ी नया नियम)

¹⁶ “कुई भी मनक दिवाण्या ने ठामड़ा का रेटे ने मेले हे, अन नेई माचा का रेटे राके हे, पण वींने आल्याँ में मेले हे ताँके में आबावाळा ने उजितो मले।

लूका 8:16 Iomraidhean Croise

लूका 11:33

“दिवो लगान कूण वींने हपी तकी जगाँ में कन पसे कणी ठामड़ा का रेटे ने मेले हे, पण वो वींने आल्याँ में मेले हे, ताँके मयने आबावाळा ने उजितो मले।

लूका 8:15

पण हव जगाँ वाया तका बीज वी मनक का जस्यान हे, जी बचन हुणे वी आपणाँ हव अन हाँचा मन में हमाळी राके अन हमेस्यान वींके जस्यानीस चालन वी हव फळ लावे हे।

थरप्या तका का काम 26:18

थूँ वाँकी आक्याँ ने खोले अन वीं अंदाराऊँ उजिता का आड़ी, अन सेतान की सगतिऊँ परमेसर का आड़ी फरे ताँके वाँने पापाऊँ मापी मले अन परमेसर का चुण्या तका लोगाँ के हाते वीं भी बापोती में भेळा वेवे।’

परकासितवाक्य 1:20

वणा हात तारा ने जिंने थें मारा जीमणा हात में देक्या हा अन वाँ हात होना का दिवा को भेद ओ हे के, वीं हात तारा हातई मण्डळ्याँ का हात दुताँ ने दिकावे अन वीं हात दिवा हातई मण्डळ्याँ ने दिकावे हे।

परकासितवाक्य 11:4

ईं दुई गवा वणा दो जेतुन का रूँकड़ा ने अन दो दिवा ने बतावे हे जी धरती पे राज करबावाळा परबू परमेसर का हामे हरग में ऊबा रेवे हे।