लूका 7:7 - नुवो नेम (मेवड़ी नया नियम)

⁷ अणीऊँ मूँ आपणाँ खुद ने अस्यो भी ने हमज्यो के, मूँ थाँका नके अऊँ बेस थूँ खाली के देई तो, मारो दास हव वे जाई।

लूका 7:7 Iomraidhean Croise

मरकुस 1:27

हारई जणा अचम्बा में पड़ग्या अन अतरो अचम्बो व्यो के, वे एक-दूँजा ने पूँछबा लागा, “यो कई हे? यो कई नुवो उपदेस हे? वो हकऊँ हुगली आत्माने आदेस देवे अन वा आत्मा वींने भी माने हे।”

लूका 4:36

हाराई मनक अचम्बो करबा लागा अन एक-दूजाऊँ केबा लागा, “या कस्यी बात हे? वो अदिकार अन सामरत का हाते हुगली आत्माने आदेस देवे हे अन वाँ भी निकळ जावे हे।”

लूका 5:13

ईसू वींके हात अड़ायो अन क्यो, “मूँ छावूँ हूँ, थूँ हव वेजा।” अन वींको कोड़ तरत जातो रियो।

लूका 7:6

ईसू वाँके हाते चाल पड़्या, जद्याँ वीं वींका घरऊँ थोड़ाक छेटी हा, वणी अदिकारी आपणाँ हण्डाळ्याँ ने वींने यो केवा वाते खन्दाया के, “हो परबू, थाँ दुक मती देको, काँके मूँ अणी जोगो ने हूँ के, थाँ मारा घरे आवो।

लूका 7:8

काँके मूँ भी कणी अदिकारी का केवा में काम करबावाळो मनक हूँ अन मारा रेटे भी घणा अदिकारी हे, एक ने केवूँ के ‘जा’, तो वो जावे हे अन एक कूँ केवूँ के, ‘आव’ तो वो आवे हे अन आपणाँ कणी दास ने कूँ के, ‘यो कर’, तो वो करे हे।”