लूका 7:39 - नुवो नेम (मेवड़ी नया नियम)

³⁹ यो देकन, वो फरीसी जणी वींने बलायो हो, आपणाँ मन में होचबा लागो, “यद्याँ यो परमेसर का आड़ीऊँ बोलबावाळो वेतो तो जाण लेतो के, वाँ कस्यी अन कूण लुगई हे? के, वा तो पापी लुगई हे।”

लूका 7:39 Iomraidhean Croise

मत्ती 20:16

तो पछे ईसू वाँने क्यो, “ईं तरियाँ जीं पाच्छे हे, वीं पेलो वेई, अन जीं पेला हे, वीं पाच्छे वेई।”

मत्ती 21:11

लोग-बागाँ क्यो, “ओ गलील का नासरत नगर को परमेसर का आड़ीऊँ बोलबावाळो ईसू हे।”

मरकुस 7:21

काँके मनक का मन का मयनेऊँ खराब बच्यार, कुकरम, चोरी, हत्या,

लूका 12:17

जद्याँ वो आपणाँ मन में बच्यार करबा लागो के, ‘मूँ कई करूँ। काँके मारा अटे जगाँ ने हे। जटे मारी हाक ने मेलू।’

लूका 15:2

तो फरीसी अन सास्तरी बड़बड़ करन केवा लागा के, “यो तो पाप्याऊँ मले–जूले हे अन वाँके हाते खावे-पीवे भी हे।”

लूका 16:3

तद्याँ मुनीम होच-बच्यार में पड़ग्यो के, ‘अबे मूँ आगे कई करूँ?’ काँके मारो मालिक माराऊँ मुनीम को पद लेबावाळो हे। मारा में अतरो ज्योर ने रियो के, मूँ खेता में दानकी को काम करूँ अन भीक मांगबाऊँ तो मूँ घणो हरमाऊँ हूँ।

लूका 18:4

वणी नरी दाण तो वींकी ने मानी पण आकरी में मन में होच-बच्यार किदो, ‘मूँ कदी भी परमेसरऊँ ने दरपूँ हूँ अन नेई कणी मनक की परवा करूँ हूँ।

लूका 3:8

थाँको वेवार अस्यो वेणो छावे के, थाँ मन फेर लिदो हे। थाँ आपणाँ-आपणाँ मना में यो मती होचो के, ‘आपीं अबराम का बंस का हा।’ मूँ थाँकाऊँ केऊँ हूँ के, परमेसर अणा भाटाऊँ अबराम का वाते ओलाद जण सके हे।

लूका 7:16

ईंपे वीं हाराई मनक दरपग्या अन परमेसर की जे-जेकार करबा लागा के, “आपणाँ बसमें एक मोटा परमेसर का आड़ीऊँ बोलबावाळो परगट व्यो हे।” अन केबा लागा के, “परमेसर आपणाँ लोगाँ की मदत करबा ने आग्या हे।”

लूका 7:37

अन देको, वणी नगर की एक पापी लुगई यो हुणन के, वी फरीसी का घरे रोटी खारिया हे, तो वाँ धोळा भाटा की सिसी में मेंगा मोल को अंतर लई।

लूका 7:38

अन वींका पाच्छे ऊबी रेन, रोती तकी आपणाँ आसूऊँ वींका पगाँ ने आला करन आपणाँ केसऊँ पोछबा लागी, अन वींका पगाँ के बोका देन अंतर लगाबा लागी।

लूका 7:40

तद्याँ ईसू वींने क्यो, “हे समोन मने थाँराऊँ कई केणो हे।” वणी क्यो, “हाँ, गरुजी केवो।”

यहुन्ना 4:19

वीं लुगई क्यो, “हो मारा मालिक मने पतो पड़रियो हे के, थूँ परमेसर का आड़ीऊँ बोलबावाळो हे।

यहुन्ना 7:12

ईसू का बारा में लोगाँ में छाने-छाने घणी बाताँ वी। कतराई तो केता हाँ, “वो भलो मनक हे।” अन दूजाँ केता हा के, “ने, वो तो लोगाँ ने भरमावे हे।”

यहुन्ना 9:24

तद्याँ वाँकाणी वीं मनकऊँ ज्यो आंदो हो, दूजी दाण बलान क्यो, “हव वेग्यो ईं वाते, परमेसर को गुणगान कर वींको ने, काँके माँ तो यो जाणा हाँ के, वो मनक पापी हे।”