लूका 7:21 - नुवो नेम (मेवड़ी नया नियम)

²¹ वणीस दाण ईसू घणा माँदा अन दकी मनकाँ ने हव किदा, नरई ने हुगली आत्माऊँ छुड़ाया अन घणा आंदा ने देकता किदा।

लूका 7:21 Iomraidhean Croise

मत्ती 4:23

ईसू हाराई गलील देस में यहुदया का परातना घर में हरग का राज को हव हमच्यार को उपदेस देतो अन तरे-तरे का रोगा ने हव करतो तको फरबा लागो।

मत्ती 4:24

हाराई सिरिया देस में वाँको हव हमच्यार फेलग्यो। ईं वाते लोग अस्या हाराई मनकाँ ने ज्यो तरे-तरे की मांदकीऊँ माँदा हा, जणामें हुगळी-आत्मा, जाँने मरगी का जोला आता हा, अन जीं लकवा का माँदा हाँ, वाँने ईसू का नके लाया अन ईसू वाँने हव किदा।

मरकुस 3:10

अबे रूँकड़ा की जड़ा काटबा का वाते कराड़ो मेल्यो ग्यो हे। जीं रूँकड़ा हव फळ ने देई वाँने काट्या जाई अन वादी में नाक दिदो जाई।

मरकुस 5:29

अन पछे तरत वींके परदा की मांदकी हव वेगी अन वींने आपणाँ डील में अस्यान मेसूस व्यो के, वींको रोग हव वेग्यो हे।

मरकुस 5:34

ईसू वींने क्यो, “हे बेटी, थाँरा विस्वासऊँ थूँ हव वेगी हे। सान्तीऊँ जा, थारी मांदकी छेटी वेगी हे।”

लूका 7:20

वीं ईसू का नके आन क्यो, “यहुन्ने बतिस्मा देबावाळे माँने थाँका नके यो पतो करबा ने खन्दाया हे के, ‘कई थाँ वींइस हे ज्यो आबावाळो हो कन पसे माँ कणी दूजाँ की वाट नाळा?’”

इब्रानियों 12:6

काँके परबू जणीऊँ परेम करे, वींने तापड़े भी हे। अन जिंने बेटो बणा लेवे हे, वींके सजा भी देवे हे।”