लूका 6:23 - नुवो नेम (मेवड़ी नया नियम)

²³ वणी दन थाँ राजी वेन आणन्द मनाज्यो, काँके थाँका वाते परमेसर का राज में मोटो फळ हे। आद राकज्यो के, वाँका बड़ाबा भी परमेसर का आड़ीऊँ बोलबावाळा का हाते भी वस्योईस करिया करता हा।

लूका 6:23 Iomraidhean Croise

मत्ती 5:12

तद्याँ थाँ राजी वेज्यो अन आणन्द मनाज्यो, काँके हरग में थाँने ईंको फळ मली। यो वस्यानीस हे जस्यान थाँकाऊँ पेल्याँ परमेसर का आड़ीऊँ बोलबावाळा लोगाँ ने हताया हा।

लूका 1:41

जस्यानी एलीसिबा मरियम का नमस्कार ने हामळयो, तो वींका पेट में बाळक फदकबा लागो अन एलीसिबा पुवितर आत्माऊँ भरगी।

लूका 1:44

अन देक, जस्यानीस थारो नमस्कार मारा कान्दड़ा में पड़्यो, तो वस्यानीस बाळक मारा पेट में आणन्दऊँ फदक्यो।

लूका 6:35

पण थाँ आपणाँ दसमणाऊँ परेम राको अन भलई करो, अन पाच्छा पाबा की आस ने राकन उदार दो, तद्याँ थाँने मोटो ईनाम मली अन थाँ परबू परमेसर की ओलाद केवावो, काँके परमेसर आग्या ने मानबावाळा अन पापी मनकाँ पे भी दया करे हे।

थरप्या तका का काम 14:10

अन पोलुस जोरऊँ हाको करन क्यो, “आपणाँ पगाँ पे ऊबो वे” वो ओ हुणताई फदकन ऊबो व्यो अन चालबा-फरबा लागग्यो।

थरप्या तका का काम 3:8

अन वो फदकन ऊबो वेग्या अन चालबा लागो। ओ उछळ्तो, चालतो अन परमेसर की बड़ई करतो तको वाँकी लारे मन्दर में ग्यो।

थरप्या तका का काम 5:41

अन वे थरप्या तका यहूदी सबाऊँ राजी वेन पराग्या काँके, परमेसर वाँने ईसू का नाम का वाते अपमान भोगबा का जोगा मान्याँ हे।

रोमियों 5:3

योईस ने, आपाँ तो अबकी टेम में भी गुमान करा हा। काँके आपाँ जाणा हा के, अबकी टेम धीरज ने जनम देवे हे।

2 कुरिन्थियों 12:10

ईं तरियाँ मूँ मसी का आड़ीऊँ मारी कमजोरियाँ में, बेजत वेन में, दुक में, हताव में, तकलिप में, अबकी टेम में मूँ राजी रूँ हूँ। जद्याँ मूँ कमजोर वेवूँ हूँ, तद्याँईस मूँ जोरावर बणूँ हूँ।

कुलुसियों 1:24

अबे मूँ ज्यो थाँका वाते दुक ऊटारियो हूँ वणीऊँ मूँ राजी हूँ। मसी की देह रूपी मण्डली का वाते मसी जीं दुक जेल्या हे, वाँमें मूँ हमेस्यान वींका हाते भागीदार बणरियो हूँ।

2 तिमुतियूस 2:12

जद्याँ आपाँ धीरज का हाते दुक जेलरिया, तो आपाँ वींके हाते राज भी कराँ। यद्याँ आपाँ वींका आड़ीऊँ मुण्डो फेर लेवा, तो वीं भी आपाऊँ मुण्डो फेर लेई।

इब्रानियों 11:26

वींने मिसर का धन-दोलतऊँ ज्यादा मसी का हाते बेजत वेणो घणो किमती लागो, काँके वणी परमेसरऊँ मलाबावाळा ईनाम पे ध्यान लगा मेल्यो हो।

इब्रानियों 11:6

काँके विस्वास के बना परमेसर ने राजी ने किदा जा सके हे अन जद्याँ कुई परबू का नके आवे हे, तो वींने विस्वास करणो छावे के, वो हे, अन ज्यो वींने होदे हे, वो वींने फळ देवे हे।

याकूब 1:2

हो मारा भायाँ-बेना, जद्याँ थाँ तरे-तरे की बाताँऊँ परक्या जावो, तो राजी रेज्यो,

1 पतरस 4:13

पण राजी वेवो के, थाँने मसी का जस्यान दुक जेलबा को मोको मल्यो हे। जणीऊँ जद्याँ ईसू मसी की मेमा परगट वेई तद्याँ थाँ भी राजी अन खुसी रे सको।

परकासितवाक्य 2:17

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे। ज्यो भी जिती, मूँ वाँने हरग में हपायो तको मन्नो देऊँ। मूँ वाँने एक धोळो भाटो भी देऊँ, जिंका ऊपरे एक नुवो नाम लिक्यो तको वेई। वो नाम वीं मनक का छोड़न कुई ने जाणी, जिंने वो दिदो जाई।

परकासितवाक्य 2:26

ज्यो भी जिती अन जणा बाताँ ने मानबा को हुकम में दिदो हो, वींने आकरी हुदी मानी, वणा मनकाँ ने मूँ जात्या पे हक चलाबा को अदिकार देऊँ।

परकासितवाक्य 2:7

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे। ज्यो भी बुरईऊँ जिती मूँ वींने परमेसर का बाग में जीवन का रूँकड़ा का लाग्या तका फळ खाबा को हक देऊँ।

परकासितवाक्य 21:7

जो जे पाई वोईस अणा हारी चिजाँ को मालिक वेई। मूँ वींको परमेसर वेऊँ अन वो मारो बेटो वेई।

परकासितवाक्य 3:12

ज्यो भी जिती वींने मूँ परमेसर का मन्दर को थम्बो बणाऊँ। अन वींके केड़े, वो कदी बारणे ने जाई। मूँ वींपे मारा परमेसर को नाम लिकूँ। मूँ वींपे नुवो यरूसलेम को नाम लिकूँ, जो परमेसर का हरगऊँ उतरबावाळो हे। मूँ वींपे मारो नुवो नाम भी लिकूँ।

परकासितवाक्य 3:5

ज्यो भी जिती, वीं अस्याईस धोळा गाबा पेरी। मूँ जीवन की किताब मेंऊँ वाँका नामने ने वगाड़ूँ, पण वाँका नाम ने बापू परमेसर अन वींका हरग दुताँ का हामे मान लेऊँ के, ईं मारा हे।