लूका 6:17 - नुवो नेम (मेवड़ी नया नियम)

^17-18 जद्याँ ईसू थरप्या तका चेला का हाते मंगराऊँ उतरन छापर में आया, तद्याँ वटे वाँका चेला की मोटी भीड़ ही। अन वटे वाँने हुणबा अन आपणी बिमारियाँऊँ हव वेवा का वाते नरई मनक भेळा व्या, ज्यो सूर अन सेदा का समन्द कनाराऊँ अन यहुदया अन यरूसलेमऊँ आया हा। अन हुगली आत्माऊँ हताया तका लोग-बाग भी हव करिया जाता हा।

लूका 6:17 Iomraidhean Croise

मत्ती 11:21

ईसू क्यो, “खुराजीन अन बेतसेदा नगर का लोगाँ, थाँने धिकार हे, काँके जीं परच्या बताया ग्या, यद्याँ वीं सूर अन सेदा नगर में किदा जाता, तो वटे का मनक बोरी का गाबा पेरन अन आपणाँ सरीर पे वानी लगान कदी का पापऊँ मन फेर लेता।

मत्ती 12:15

ईसू वणा लोगाँ की बात ने जाणन वटाऊँ पराग्या अन नरई लोग-बाग वाँका पाच्छे चालबा लागा, अन वाँकाणी वाँ हाराई ने वाँकी मांदकीऊँ हव किदा।

मत्ती 14:14

जद्याँ ईसू नावऊँ बारणे आया तो वणा एक मोटी भीड़ देकी तो वाँने वाँका पे दया आगी अन माँदा मनकाँ ने हव किदा।

मत्ती 15:21

ईसू ऊठेऊँ निकळन, सूर अन सेदा का परदेस का आड़ी पराग्या।

मत्ती 5:1

जद्याँ ईसू मनकाँ की मोटी टोळी देकी, तो वो मंगरा पे पराग्यो अन वटे जान बेटग्यो अन वींका चेला वींका नके आग्या।

लूका 5:15

पण, ईसू की चरचा घणी फेलबा लागी के, नरई मनक ईसू जी की बाताँ हुणबा का वाते अन मांदकीऊँ हव वेबा का वाते भेळा वेबा लागा।

लूका 6:12

अन वणा दनाँ में ईसू एक मंगरा ऊपरे परातना करबा का वाते ग्या, अन परमेसरऊँ परातना करबा में हारी रात वितई।

लूका 6:16

अन याकूब को बेटो यहूदो, अन यहूदो इसकरियोती, ज्यो आगे जान ईसुने धोकाऊँ पकड़ाबावाळो बण्यो हो।