लूका 5:30 - नुवो नेम (मेवड़ी नया नियम)

³⁰ यो देकन फरीसियाँ अन वाँका सास्तर हिकाबावाळा ईसू का चेलाऊँ यो केन सिकायत करबा लागा, “थाँ लगान लेबावाळा अन दूजाँ पाप्याँ का हाते काँ खावो-पीवो हो?”

लूका 5:30 Iomraidhean Croise

मत्ती 5:46

काँके यद्याँ थाँ आपणाँऊँ परेम करबावाळाऊँ परेम राको हो, तो थाँका वाते कई भलो वेई? कई कर लेबावाळो भी अस्यान ने करे हे?

मत्ती 9:11

ओ देकन फरीसी ईसू का चेलाऊँ क्यो, “थाँको गरू कर लेबावाळा अन पाप्याँ का हाते खाणो काँ खावे हे?”

मरकुस 2:16

जद्याँ मूसा का नेमा ने हिकाबावाळा ज्यो फरीसी हा वणा देक्यो के, ईसू चुंगी लेबावाळा अन पापी लोगाँ के लारे खाणो खारिया हे, तो वाँका चेलाऊँ क्यो, “ईसू चुंगी लेबावाळा अन पापी लोगाँ की लारे खाणो काँ खावे हे?”

मरकुस 7:3

काँके फरीसी अन हारई यहूदी लोग आपणाँ पूरबजाँ का रिति-रिवाज का नेमा के जस्यान हात हव तरियाऊँ ने धो लेता, वतरे खाणो ने खाता हा।

मरकुस 9:16

तो पछे वणा वाँने पूँछ्यो, “थें वाँकाऊ कसी बात पे भेजा-मारी कररिया हो?”

लूका 18:11

फरीसी ऊबो वेन आपणाँ मन में या परातना करबा लागो के, ‘ओ परमेसर, मूँ थाँको धन्नेवाद करूँ हूँ के, मूँ दूजाँ मनकाँ की जस्यान लोबी, दूजाँ को बुरो करबावाळो, दूजी लुगायाँ का हाते गलत वेवार करबावाळो ने हूँ अन नेई अणी लगान लेबावाळा के जस्यो हूँ।

लूका 19:7

यो देकन हाराई लोग-बाग मन में बड़बड़ान केबा लागा के, “वी तो एक पापी मनक का अटे रकरियो हे।”

लूका 5:17

एक दन अस्यो व्यो के, ईसू उपदेस देरिया हा अन वटे फरीसी अन यहूदी धरम गरू बेटा तका हा। वीं गलील, यहूदा परदेस की हंगळी जगाँऊँ अन यरूसलेमऊँ आया तका हा। माँदा ने हव करबा का वाते परबू परमेसर की तागत ईसू का हाते ही।

लूका 5:21

जद्याँ मूसा का नेमा ने हिकाबावाळा अन फरीसी आपस में बात करबा लागा के, “ओ कूण हे? ज्यो परमेसर की नन्दयाँ करे हे। परमेसर ने छोड़न कूण पाप माप कर सके हे?”

लूका 7:34

पसे मूँ मनक को पूत खातो-पितो आयो तो, थाँ केरिया हो, ‘देको यो खवगड़्यो अन पीबावाळो मनक हे। अन लगान लेबावाळा अन पाप्याँ को हण्डाळ्यो हे।’

लूका 7:39

यो देकन, वो फरीसी जणी वींने बलायो हो, आपणाँ मन में होचबा लागो, “यद्याँ यो परमेसर का आड़ीऊँ बोलबावाळो वेतो तो जाण लेतो के, वाँ कस्यी अन कूण लुगई हे? के, वा तो पापी लुगई हे।”

थरप्या तका का काम 23:9

तद्याँ सबा में लड़ई वेगी, अन कुई मूसा का नेमा ने हिकाबावाळा जो फरीसी हा, ऊबा वेग्या अन ओ केन लड़ई करबा लागा के, “माँ ईं मनक में कई दोस ने पावाँ, अन तद्याँ कुई आत्मा कन हरग-दुत अणीऊँ बात किदी, तो पछे ओ सई हे।”