लूका 4:41 - नुवो नेम (मेवड़ी नया नियम)

⁴¹ हुगली आत्मा घणा जणा मेंऊँ ओ हाँको करती तकी यु बोलती तकी निकळी, “थूँ परमेसर का पूत हे।” पण ईसू वाँने तापड़न वाँने बोलबा ने दिदी, काँके वीं जाणती ही के, “ईसूइस मसी हे।”

लूका 4:41 Iomraidhean Croise

मत्ती 26:63

पण ईसू छानारिया। तद्याँ मायाजक वाँकाऊँ क्यो, “मूँ थने जीवता परमेसर की होगन दूँ हूँ के, यद्याँ थूँ परमेसर को पूत मसी हे, तो माँकाऊँ के दे।”

मत्ती 4:3

तो वींकी परक करबावाळो वींका भड़े आयो अन क्यो, “यद्याँ थूँ परमेसर को पूत हे तो अणा भाटा ने के, ईं रोट्याँ बण जावे।”

मत्ती 8:16

जद्याँ दन आत ग्यो तद्याँ ईसू का नके मनक नरई मनकाँ ने लाया ज्यामें हुगली आत्मा ही अन ईसू वणा हारई आत्माने आपणाँ बचनऊँ काड़ दिदी अन हाराई माँदा मनकाँ ने हव किदा।

मत्ती 8:29

वाँकाणी ईसू ने ओळकन हाका-भार किदी अन क्यो, “हो परमेसर का पूत, थूँ माँकाऊँ कई छावे हे? कई थूँ माँने टेमऊँ पेल्याई दण्ड देबाने अटे आयो हे?”

मत्ती 8:4

ईसू वणीऊँ क्यो, “देक, ईंका बारा में किंने केज्ये मती पण जान आपणाँ खुद ने याजकाँ ने बता अन ज्या बोलमा मूसे चढाबा के वाते बतई हे वींने चढा, जणीऊँ मनकाँ ने यो सबूत मल जावे के, थाँरो कोड़ जातो रियो।”

मरकुस 1:25

तो ईसू वींने तापड़न क्यो, “छानी रे अन ईंमूँ बारणे निकळजा।”

मरकुस 1:32

दन आत्याँ केड़े, जद्याँ हाँज पड़गी, तो वटा का मनक हंगळा हुगली आत्माऊँ दकी अन मान्दा मनकाँ ने वाँका नके लाया।

मरकुस 1:34

वाँ घणा जणा ने नरी मांदकीऊँ हव किदा अन नरई जणा मूँ हुगली आत्माने बारणे काड़ी। ईसू वणा आत्माने कई ने केबा दिदो, काँके वी वाँने जाणती ही।

मरकुस 3:11

जद्याँ कणी मनक में हुगली आत्मा ही, वीं ईसू ने देकती, तो वे हंगळी आत्मा वाँका हामे रेटे पड़ जाती अन ज्योर की हाका-भार करती तकी केती, “थूँ परमेसर को पूत हे।”

लूका 4:39

ईसू जी वीके हराणे ऊबा रेन अदिकारऊँ ताव उतरबा का वाते क्यो वणीस दाण वींको ताव उतरग्यो अन वाँ वाँकी सेवा-चाकरी करबा लागी।

यहुन्ना 20:31

पण, ईं वाते लिक्या ग्या हे के, थाँ विस्वास करो के, ईसूइस परमेसर को पूत मसी हे अन विस्वास करन वाँका नामऊँ जीवन पावो।

याकूब 2:19

अन थूँ विस्वास करे हे के, एकीस परमेसर हे, तो ओ हव हे। पण ओ विस्वास तो हुगली आत्मा भी करे, अन वींके आगे धूजे हे।