लूका 4:34 - नुवो नेम (मेवड़ी नया नियम)

³⁴ “हो नासरत का ईसू, थूँ माँकाऊँ कई छावे हे? कई थूँ माँको नास करबा ने आया हे? मूँ जाणूँ हूँ थूँ कूण हे, थूँ परबू परमेसर को पुवितर मनक हे।”

लूका 4:34 Iomraidhean Croise

मत्ती 8:29

वाँकाणी ईसू ने ओळकन हाका-भार किदी अन क्यो, “हो परमेसर का पूत, थूँ माँकाऊँ कई छावे हे? कई थूँ माँने टेमऊँ पेल्याई दण्ड देबाने अटे आयो हे?”

मरकुस 1:24

“हे, नासरत का ईसू, थूँ मारा नकूँ कई छावे हे? कई, थूँ मारो नास करबा ने आयो हे? मूँ थाँने जाणूँ हूँ के, थूँ कूण हे, थूँ परमेसर को पुवितर मनक हे।”

मरकुस 1:34

वाँ घणा जणा ने नरी मांदकीऊँ हव किदा अन नरई जणा मूँ हुगली आत्माने बारणे काड़ी। ईसू वणा आत्माने कई ने केबा दिदो, काँके वी वाँने जाणती ही।

मरकुस 5:7

अन जोरऊँ हाको करन बोल्यो, “सबाऊँ मोटा परमेसर का पूत, हे ईसू, थूँ मारा नकूँ कई छावे हे? थने परमेसर की होगन हे, थूँ मने मती हता।”

लूका 1:35

हरग-दुत वींने क्यो के, “पुवितर आत्मा थाँरा डिले आई अन परम परदान की तागत थाँरा ऊपरे वेई। ईं वाते जनम लेबावाळो पुवितर बाळक परमपिता परमेसर को पूत वाजी।

लूका 4:33

वटे परातना घर में एक मनक हो, जिंमें हुगली आत्मा ही। वो जोरऊँ हाका करन केवा लागो,

लूका 4:41

हुगली आत्मा घणा जणा मेंऊँ ओ हाँको करती तकी यु बोलती तकी निकळी, “थूँ परमेसर का पूत हे।” पण ईसू वाँने तापड़न वाँने बोलबा ने दिदी, काँके वीं जाणती ही के, “ईसूइस मसी हे।”

लूका 8:37

तद्याँ गरासेनिया परदेस का अड़े-भड़े का हाराई लोगाँ ईसुऊँ अरज किदी के, माकाँ अटूँ परोजा। काँके वीं घणा दरपग्या हा, ईं वाते वीं नाव में बेटन पाच्छा जाबा लागा।

थरप्या तका का काम 16:39

अन हाकम आन वाँने हमजाया अन वाँने बारणे लेजान हाता-जोड़ी किदी अन वीं नगरऊँ जाबा ने क्यो।

थरप्या तका का काम 2:27

काँके थूँ मारी आत्माने पाताळ मेंईस ने छोड़ी, थूँ आपणाँ ईं पुवितर मनक ने कबर में हड़बा ने देई।

थरप्या तका का काम 3:14

थाँ लोगाँ वीं धरमी अन नेकवान मनक ने नकार दिदो अन थाँका वाते एक हत्यारा की माँग किदी।

थरप्या तका का काम 4:27

काँके हाँचई में, थाँका पुवितर दास ईसू, जिंको थाँ राजतलक किदो। वींका विरोद में हेरोदेस अन पिलातुस, ज्यो यहूदी ने हा अन इजराएल्याँ की लारे वेन ईं नगर में भेळा व्या।

इब्रानियों 2:14

काँके ओलाद माँस अन लुई की ही। ईं वाते वो भी वाँके अणी मनकपणा में भागी वेग्यो, ताँके आपणी मोतऊँ सेतान को नास कर सके, जिंका नके मारबा की तागत हे।

याकूब 2:19

अन थूँ विस्वास करे हे के, एकीस परमेसर हे, तो ओ हव हे। पण ओ विस्वास तो हुगली आत्मा भी करे, अन वींके आगे धूजे हे।

1 यहुन्ना 3:8

ज्यो भी मनक पाप करतो रेवे हे, वो सेतान को हे, काँके सेतान सरुआतऊँ पाप करतो आयो हे। ईं वाते तो परमेसर को बेटो परगट व्यो, ताँके वो सेतान का कामाँ ने नास कर देवे।

परकासितवाक्य 20:2

वो वीं अजगर ने ज्या पुराणो हाँप ज्यो इबलिस अन सेतान केवातो हो, वींने पकड़न एक हजार वर का वाते हाँकळऊँ बांद दिदो।

परकासितवाक्य 3:7

“फिलोदेलफीया की मण्डली का दुताँ ने ओ लिक। वीं ज्यो पुवितर अन हाँचा हे अन जिंका नके दाऊद राजा का नगर की कुस्याँ हे अन वो जणी बारणा ने खोले हे वींने कुई भी जड़ ने सके अन जिंने वो जड़ हे वींने कुई खोल ने सके। ओ अस्यान केवे हे के,