लूका 24:39 - नुवो नेम (मेवड़ी नया नियम)

³⁹ मारा हात-पगाँ ने देको के, मूँ वोईस हूँ। मारे अड़न देको, काँके भूत के हाड़क्या अन माँस ने वेवे, जस्यान थाँ मारा में देकरिया हो।”

लूका 24:39 Iomraidhean Croise

लूका 23:46

पसे ईसू ज्योरऊँ हाको करन क्यो, “ओ बापू, मूँ मारी आत्माने थाँका हाताँ में हूँपूँ हूँ।” यो केन ईसू आपणाँ जीव छोड़ दिदो।

लूका 24:38

तो ईसू वाँकाऊँ क्यो, “थाँ काँ घबरारिया हो? थाँ मन में भेंम काँ करो हो?

लूका 24:40

ओ केन ईसू आपणाँ हात-पगाँ ने बताया।

यहुन्ना 20:20

अन ओ केन वणा आपणाँ हात अन आपणी पाँळी का घाव बताया। तद्याँ चेला परबू ने देकन राजी व्या।

यहुन्ना 20:25

जदी दूजाँ चेला वाँकाऊँ केबा लागा, “माँ परबू ने देक्याँ हे।” तद्याँ वणी वींकाऊँ क्यो, “जद्याँ तईं मूँ वाँका हाताँ में खीलाँ का निस्याण में आँगळी ने गोड़ूँ अन वाँकी पाँळी में आपणो हात ने गालूँ तद्याँ तईं मूँ विस्वास ने करूँ।”

यहुन्ना 20:27

तद्याँ ईसू ने थोमाऊँ क्यो, “आपणी आँगळी लगान मारा हाताँ ने देक अन आपणो हात पाळा में गाल। विस्वास मती छोड़, पण विस्वासवाळो बण।”

थरप्या तका का काम 1:3

वो हूळी पे दक भोगन मरिया केड़े पाका सबूत का हाते नरी दाण परगट व्यो, वो जीवतो हे। अन चाळी दनाँ तईं चेला वींने देक्यो अन वो वाँने परमेसर का राज का बारा में बतातो रियो।

1 थिस्सुलुनिक्यों 5:23

सान्ती देबावाळा परमेसर खुद थाँने हव तरियाँ पुवितर करी अन थाँ थाँकी आत्मा, जीव अन देह ने आपणाँ परबू ईसू मसी का पाच्छा आबा का दन तईं पुरी तरियाऊँ निरदोस बणन हाँजाहाँतरा रेवो।

इब्रानियों 12:9

पछे जद्याँ आपणी देह का बापू भी आपाँने तापड़े हे अन आपाँ वाँकी इजत करा हा, तो पछे आपाँने आपणाँ आत्मिक बापू का क्या में भी रेणो छावे, जणीऊँ आपाँ जीवता रेवा।

1 यहुन्ना 1:1

आपाँ वणी जीवन का बचन की बात करा हाँ, ज्यो किंकी भी रचना वेबाऊँ पेल्याई हो, आपाँ ईंने हुण्यो, आपणी आक्याँऊँ देक्यो, ईंपे ध्यान लगायो, अन आपाँ खुद वींके हात अड़ायो।