लूका 24:26 - नुवो नेम (मेवड़ी नया नियम)

²⁶ कई ओ जरूरी ने हो के, मसी ओ दुक जेलन आपणी खुद की मेमा में जावे?”

लूका 24:26 Iomraidhean Croise

लूका 24:44

पसे ईसू वाँकाऊँ क्यो, “ईं मारी वीं बाताँ हे, जद्याँ मूँ थाँके हाते रेते तके थाँकाऊँ क्यो हो। जतरी बाताँ मूसा के नेमा में अन परमेसर का आड़ीऊँ बोलबावाळा अन भजनाँ की किताब में मारा बारा में लिकी तकी हे, वीं हारी पुरी वेणीईस हे।”

लूका 24:46

अन वाँने क्यो, “ओ लिक्यो तको हे के, मसी दुक उटाई अन तीजे दन मरियो तका मेंऊँ जीवतो वे जाई।

लूका 24:7

‘ओ जरूरी हो के, मूँ मनक का पूत पाप्याँ का हाताँ में पकड़वायो जाऊँ अन पसे मूँ हूळी पे चड़ा दिदो जाऊँ अन मूँ पाछो तीजे दन जीवतो वे जाऊँ।’ ”

यहुन्ना 2:22

आगे जान जद्याँ वो मरिया तकाऊँ पाछो जी उठयो तो वाँका चेला ने यो आद आयो हो के, वाँकाणी ओ क्यो हो। अन वणा पवितर सास्तर अन वो बचन ने ज्यो ईसू क्यो, वींपे विस्वास किदो।

यहुन्ना 20:9

वीं अबाणू तईं भी सास्तर की आ बात ने हमजता हा के, वींको मरन पाछो जीवतो वणो पको हे।

थरप्या तका का काम 17:3

अन एक-एक बचन ने हव तरियऊँ साबत करन हमजातो हो के, मसी को अस्यान दुक जेळणो अन मरिया तकाऊँ जीवतो वेणो जरूरी हो, अन ईसू, जिंको मूँ थाँने हव हमच्यार हुणारियो हूँ, वोईस मसी हे।

इब्रानियों 12:2

विस्वास का मालिक अन वींने सिद करबावाळा ईसू मसी का आड़ी आपाँ देकता रा। जणी आपणाँ हामें राक्या तका आणन्द का वाते लाज-सरम की चन्ता ने किदी अन हूळी पे दुक जेल्यो अन परमेसर की गादी के जीमणे पाल्डे जान बेटग्यो।

1 पतरस 1:11

अन वीं परमेसर का आड़ीऊँ बोलबावाळा मसी की आत्माऊँ यो भी जाणे हे के, मसी पे दुक आबावाळो हे अन वणी दुक का केड़े वींकी मेमा भी वेई। वाँ आत्मा वाँने बतावे हे के, ईं बाताँ कदी वेई अन तद्याँ ईं दनियाँ को कई वेई।

1 पतरस 1:3

आपणाँ परबू ईसू मसी का बापू परमेसर की जे हो, काँके परमेसर आपणाँ पे घणी मोटी दया बतई जणीऊँ वणा मसी ने मरिया तका मेंऊँ जीवान आपाँने नुवा जीवन की जीवती आस राकबा वाते वणा आपाँने नुवो जीवन दिदो हे।