लूका 23:5 - नुवो नेम (मेवड़ी नया नियम)

⁵ पण, वी यो केता तका वींपे ज्योर देबा लागा के, “अणी पूरा यहूदियाँ में लोग-बागाँ ने आपणाँ उपदेसाऊँ भरमाया हे। अणी गलीलऊँ सरू किदो अन अबे हारोई गेलो पार करन अटे आ पूग्यो हे।”

लूका 23:5 Iomraidhean Croise

मत्ती 11:1

जद्याँ ईसू आपणाँ बाराई थरप्या तका चेला ने आदेस दे दिदा, ईंका केड़े वीं नगराँ में उपदेस अन परच्यार करबा वटूऊँ पराग्या।

मत्ती 2:1

हेरोदेस राजा का राज करबा की टेम में जद्याँ यहूदियाँ परदेस का बेतलेम नगर में ईसू को जनम व्यो, तो उगमणी दसाऊँ नरई ज्योतिसी माराज यरूसलेम में आन यो पूँछबा लागा के,

मत्ती 27:24

जद्याँ पिलातुस देक्यो के, कई फायदो कोयने पण ईंका हामे ओरी हाका-हूक वेबा लागी हे, तो वाँकाणी हतेळी में पाणी लेन भीड़ का हामे आपणाँ हात धोया अन क्यो, “मूँ ईं धरमी का लुईऊँ बना दोस को हूँ, थाँईस जाणो।”

मत्ती 4:23

ईसू हाराई गलील देस में यहुदया का परातना घर में हरग का राज को हव हमच्यार को उपदेस देतो अन तरे-तरे का रोगा ने हव करतो तको फरबा लागो।

मरकुस 1:14

ईंका केड़े जद्याँ यहुन्ना ने जेळ में बन्द कर नाक्यो हो, पछे ईसू गलील में आया अन वटे परमेसर का हव हमच्यार को परच्यार करबा लागा।

लूका 11:53

जद्याँ ईसू वटाऊँ निकळग्या, तो सास्तरी अन फरीसी वाँकाऊँ घणी दसमणी राकबा लागा अन वाँने छेड़ाबा लागा के, वीं घणी हारी बाताँ पे बात-बच्यार करे।

लूका 23:23

पण वी हाराई मनक एक दाण पाछो हाको करन बोल्या, “ईंने हूळी पे चढा दो।” अन वाँके हाका-भार करबा वाँकी बात बणगी।

लूका 23:6

ओ हुणन पिलातुस पूँछ्यो, “कई ओ मनक गलीली हे?”

यहुन्ना 1:43

दूजे दन ईसू गलील जाबा का वाते ते किदो अन फिलिपुस मलग्यो तो वींने क्यो, “मारा पाच्छे चाल।”

यहुन्ना 19:15

पण, वीं ओरी ज्योरऊँ हाको करन क्यो, “ईंने मारी नाको, ईंने मारी नाको, ईंने हूळी पे चड़ई दो।” पिलातुस वाँने क्यो, “कई थाँ छावो हो के, मूँ थाँका राजा ने हूळी पे चड़ई दूँ?” मुक्य याजकाँ जबाव दिदो, “रोमी राजा ने छोड़न माँको कुई दूज्यो राजा कोयने हे।”

यहुन्ना 2:11

ईसू गलील का काना नगर में आपणो ओ पेलो परच्यो देन आपणी मेमा परगट किदी अन वाँका चेला वाँके ऊपरे विस्वास किदो।

यहुन्ना 7:41

कुई दूजाँ मनक केरिया हा के, “यो मनक मसी हे।” पण कुई केरिया हा, “मसी गलीलऊँ ने आई।

यहुन्ना 7:52

वणा वींने जवाब दिदो, “कई थूँ भी गलील को हे? सास्तर में देक अन होद के, गलीलऊँ कुई भी परमेसर का आड़ीऊँ बोलबावाळो परगट ने वेबावाळो हे।”

थरप्या तका का काम 10:37

थें वा बात जाणो हो के, यहुन्ना बतिस्मा का संदेसो देबा केड़े, गलीलऊँ सरू वेन आकई यहूदियाँ में कई व्यो हो।

थरप्या तका का काम 23:10

जद्याँ सबा में घणी माता-फोड़ी वेगी तो सेनापती दरपग्यो के, कटे पोलुस का गट्टा-गट्टा ने कर नाके। वणी सपायाँ ने हुकम दिदो के, “रेटे समू में जान पोलुस ने सबा मूँ छावणी में ले जावो।”

थरप्या तका का काम 5:33

जद्याँ मोटी सबा का लोग ओ हुण्यो, तो वे रीस में आन थरप्या तका ने मारणो छाया।

थरप्या तका का काम 7:54

जद्याँ यहूदी मोटी सबा का लोग ओ हुण्यो तो, वीं रीस में आन राता-पीळा वेग्या अन दाँत पीसबा लागा।

थरप्या तका का काम 7:57

ईं बात पे वाँकाणी हाका-भार करन आपणाँ कान्दड़ा में आँगळी दे दिदी अन पछे वे हारई जणा एक लारे वींपे टूट पड़्या।