लूका 23:41 - नुवो नेम (मेवड़ी नया नियम)

⁴¹ अन आपाँ तो न्यावऊँ सजा पई, काँके आपाँ तो आपणाँ काम को फळ पारिया हा, पण अणी तो कई बुरो ने किदो हे।”

लूका 23:41 Iomraidhean Croise

मत्ती 27:19

जद्याँ पिलातुस न्याव की गाद्दी पे बिराज्यो तको हो तो वाँकी लुगई वींने ओ हमच्यार खन्दायो, “थूँ वणी धरमी मनक का मामला में भेळा मती रेज्ये। काँके में आज हपना में वाँका वाते घणो दुक जेल्यो हे।”

मत्ती 27:24

जद्याँ पिलातुस देक्यो के, कई फायदो कोयने पण ईंका हामे ओरी हाका-हूक वेबा लागी हे, तो वाँकाणी हतेळी में पाणी लेन भीड़ का हामे आपणाँ हात धोया अन क्यो, “मूँ ईं धरमी का लुईऊँ बना दोस को हूँ, थाँईस जाणो।”

मत्ती 27:4

अन क्यो, “में बना दोस का मनक ने मारबा का वाते पकड़ान पाप किदो!” तो वाँकाणी क्यो, “माँने कई? थूँ थारी जाणे।”

मत्ती 27:54

तद्याँ रोमी सेनापती अन ज्यो वींका हाते ईसू के पेरो देरियो हाँ, भूकम अन ज्यो कई व्यो हो, वींने देकन घणा दरपग्या अन क्यो, “हाँचई में ओ परमेसर को पूत हो।”

लूका 23:40

पण, दूजे वीं पेल्यावाळा ने तापड़न क्यो, “कई थूँ परमेसरऊँ ने दरपे हे? थने भी तो याईस सजा मलीरी हे।

लूका 23:42

पसे वणी क्यो, “ओ ईसू, जद्याँ थाँ आपणाँ राज में आवो, तो मने आद राकज्यो।”

1 थिस्सुलुनिक्यों 2:10

थाँ अन परमेसर ईं बात का गवा हो के, थाँ विस्वास्याँ का बचमें माँको वेवार कस्यो पुवितर, धारमिक अन बना दोस को हो।

याकूब 4:7

ईं वाते खुद ने परमेसर का बंस में कर दो। सेतान को विरोद करो, तो वो थाँका हामेऊँ भाग जाई।

1 पतरस 1:19

पण थाँने ओ छुटकारो मसी का किमती लुईऊँ, जो निरदोस उन्याँ के जस्यान हे, मल सके हे।

1 पतरस 2:23

जद्याँ वाँकी बेजती किदी गी, तो भी वणा किंकीई बेजती ने किदी। जद्याँ वीं दुक जेलरिया हा, तो भी वणा किंने भी धमकी ने दिदी, पण वणा आपणाँ खुद ने हाँचा न्याव करबावाळा परमेसर ने हूँप दिदा।