लूका 23:2 - नुवो नेम (मेवड़ी नया नियम)

² अन मनक यो केन वींपे दोस लगाबा लागा के, “माँ ईंने लोग-बागाँ ने भटकातो तको पकड़्यो हे। यो राजा केसर ने हाँसल जमा करबा का वाते नटे हे अन यो आपणाँ खुद ने राजा मसी केवे हे।”

लूका 23:2 Iomraidhean Croise

मत्ती 17:27

तद्याँ भी ईं वाते के, आपाँ वाँने नाराज ने करा। ईं वाते थूँ समन्द का कनारे जाळ नाक अन ज्यो माछळी पेल्या निकळे वींने ले, वींको मुण्डो खोलबाऊँ थने एक रिप्यो मेली। वींने लेजान मारा अन खुद का आड़ीऊँ वाँने दे दिज्ये।”

मत्ती 22:21

वणा वाँने क्यो, “राजा केसर को।” तद्याँ ईसू वाँने क्यो, “ज्यो केसर को हे, वो केसर ने अन ज्यो परमेसर को हे, वो परमेसर ने दो।”

मत्ती 27:11

जद्याँ ईसू हाकम पिलातुस का हामे ऊबा हा, तो हाकम वाँकाऊँ पूँछ्यो, “कई थूँ यहूदियाँ को राजो हे।” ईसू वींने क्यो, “थूँ खुदई केरियो हे।”

मरकुस 12:17

जदी ईसू वाँने बतायो, “ज्यो रोम देस का राजा को हे, वो रोम का राजा ने देदो अन ज्यो परमेसर को हे, वो परमेसर ने देदो।” तो वे घणा अचम्बा में पड़ग्या।

मरकुस 15:2

पिलातुस वींने पूँछ्यो, “कई, थूँ यहूदियाँ को राजा हे?” ईसू जबाव दिदो, “अस्यान थूँ केरियो हे।”

लूका 23:14

“थाँ अणी मनक ने लोग-बागाँ ने भरमावो वाळो हमजन मारे नके लाया हो अन देको, में थाँका हामे वींकी परक किदी हे। पण, थाँ जणा बाताँ को ईंपे दोस लगावो हो, वणा बाताँ मेंऊँ ईंपे कई दोस ने पायो हे।

लूका 23:5

पण, वी यो केता तका वींपे ज्योर देबा लागा के, “अणी पूरा यहूदियाँ में लोग-बागाँ ने आपणाँ उपदेसाऊँ भरमाया हे। अणी गलीलऊँ सरू किदो अन अबे हारोई गेलो पार करन अटे आ पूग्यो हे।”

यहुन्ना 18:29

तद्याँ पिलातुस वाँका नके बारणे आयो अन क्यो, “थाँ अणी मनक पे किंको दोस लगावो हो?”

यहुन्ना 18:30

वाँकाणी वींने जवाब दिदो, “यद्याँ यो अपरादी ने वेतो तो माँ ईंने थाँरा हाताँ में ने हूँपता।”

यहुन्ना 19:12

ईंपे पिलातुस वींने छोड़ देणो छायो हो। पण, यहूदी मनकाँ ज्योर की हाको करन क्यो, “यद्याँ थूँ ईंने छोड़ हे, तो थूँ रोम राजा का हण्डाळ्यो ने हे। ज्यो कुई खुद ने राजा बणावे हे। वो रोमी सरकार को विरोदी हे।”

थरप्या तका का काम 24:13

अन ने तो ईं मनक जो दोस लगारिया हे वींने साबत कर सके हे।

थरप्या तका का काम 24:5

ईं मनक ने माँ आपत में नाकबावाळो अन हारी दनियाँ का यहूदियाँ में उतम-धड़ा करबावाळो पायो हे। ओ नासरिया का पन्त को मुक्यो हे।

रोमियों 13:7

किंकी भी उदारी हे तो वींने चुका दो, अन ज्यो कर थाँने देणो हे वो दिदो। किंको जद्याँ हाँसल निकळे, तो वींने दिदो। जणीऊँ दरपणो छावे, वणीऊँ दरप। जिंको आदर करणा छावे, वींको आदर कर।