लूका 23:11 - नुवो नेम (मेवड़ी नया नियम)

¹¹ तद्याँ दरबार हेरोदेस आपणाँ सपायाँ का हाते मलन बुरा वेवार करन वींकी रोळ किदी अन वींने जामूणिया रंग का गाबा पेरान वींने पिलातुस का नके पाछो खन्दा दिदो।

लूका 23:11 Iomraidhean Croise

मत्ती 14:1

वी टेम गलील का राजा हेरोदेस ईसू का बारा में हामळयो।

मत्ती 14:3

काँके पेल्याँ हेरोदेस आपणो भई फिलिपुस जद्याँ जीवतो हो तद्याँ वींकी लुगई हेरोदियासऊँ ब्याव कर नाक्यो हो, जणी वजेऊँ यहुन्ने हेरोदेस ने ओळमो दिदो हो के, थने थाँरे भई की लुगई ने राकणी नेमा हस्याबूँ सई ने हे, तो हेरोदियास के केबाऊँ हेरोदेस वींने जेल में नकवा दिदो हो।

मत्ती 14:6

पण जद्याँ राजा हेरोदेस को जनम को दन आयो, तो हेरोदियास की छोरी मेमाना का हामे नाच बतान राजा हेरोदेस ने घणो राजी किदो।

मरकुस 9:12

ईसू वाँने क्यो, “हा, हारी बात ने हव करबा वाते एलियो जरुर आई। पण मनक का पूत(ईसू) के वाते यूँ काँ लिक्यो हे के, वींने घणो दुक जेलणो पेड़ी अन मनक वींने नकार देई?

लूका 23:10

मुक्य याजकाँ अन नेमा ने हिकाबावाळा वटे ऊबा तका हा अन वी वींका पे दोस लगारिया हा।

यहुन्ना 19:5

तद्याँ ईसू काँटा को मुकट अन दरबारी गाबा पेरिया तका बारणे निकळ्यो अन पिलातुस मनकाँऊँ क्यो, “देको, ओ रियो वो मनक।”

याकूब 2:2

थाँ अस्यान मती करज्यो के, यद्याँ थाँकी मण्डली में कुई मनक होना की वीटी अन मेंगा गाबा पेरन आवे अन कुई मनक फाटा गाबा में अन गरीब दसा में आवे,

याकूब 2:3

तद्याँ थाँ वीं मनक ने ज्यो होना की वीटी पेरन आयो हो वींने तो हव जगाँ बेवाड़ो अन वीं गरीबऊँ केवो, थूँ अटेईस ऊबो रे कन मारा पगा का नके बेट जा।