लूका 20:6 - नुवो नेम (मेवड़ी नया नियम)

⁶ अन यद्याँ आपाँ केवाँ के, ‘मनकाँ का आड़ीऊँ हे।’ तो हाराई लोग-बाग आपणे भाटा मारी। काँके वीं हाँची में जाणे हे के, यहुन्नो परमेसर का आड़ीऊँ बोलबावाळो हो।”

लूका 20:6 Iomraidhean Croise

मत्ती 11:9

तो थाँ काँ ग्या? कई कणी परमेसर का आड़ीऊँ बोलबावाळा ने देकबाने? हाँ, मूँ थाँकाऊँ कूँ हूँ के, जिंने थाँ देक्यो हे वो परमेसर का आड़ीऊँ बोलबावाळाऊँ भी मोटो हे।

मत्ती 14:5

अन वो वींने मारणो छातो हो, पण मनकाऊँ दरपतो हो काँके मनक वींने परमेसर का आड़ीऊँ बोलबावाळो मानता हा।

मत्ती 21:26

अन यद्याँ केवाँ, ‘मनकाँ का आड़ीऊँ,’ तो आपाँने मनकाँ की टोळी की दरप हे, काँके वी हाराई यहुन्ना ने परमेसर का आड़ीऊँ बोलबावाळो माने हे।”

मत्ती 21:46

ईं वाते वणा वींने पकड़णो छायो, पण वीं मनकाऊँ दरपग्या, काँके मनक वींने परमेसर का आड़ीऊँ बोलबावाळो मानता हा।

मत्ती 26:5

पण वीं केता हाँ, “आपाँने यो तेवार का टेम में ने करणो छावे, कटे अस्यान ने वेजा के, मनकाँ में लड़ई वे जावे।”

मरकुस 12:12

यहूदी नेता ओ जाणरिया हे या केणी वणी आपणाँ खिलाप मेंईस क्यो हे, तो वे वींने पकड़वा वाते, कतरी कळा होचबा लागा। पण, दूजाँ मनकाऊँ वे दरपता हा, ईं वाते वाँने छोड़न पराग्या।

लूका 1:76

हे मारा बेटा, थूँ, परम परदान परमेसर का आड़ीऊँ बोलबावाळो केवाई। थूँ परबू को गेलो त्यार करबा के वाते वाँके आगे-आगे चाली।

लूका 20:5

जद्याँ वीं एक-दूजाऊँ बच्यार करन केबा लागा के, “यद्याँ आपाँ केवाँ के, ‘हरग का आड़ीऊँ हे’, ‘तो वो केई, पसे थाँ वींपे विस्वास का ने किदो?’

लूका 20:7

ईं वाते वणा जबाव दिदो, “माँ ने जाणा हाँ के, वो किंका आड़ीऊँ हो।”

लूका 7:30

पण फरीसी अन वेवस्ता करबावाळा वणीऊँ बतिस्मो ने लिदो अन आपणाँ वाते परमेसर की मनसा ने टाळ दिदी।

यहुन्ना 10:41

नरई लोग-बागाँ वाँके नके आता अन केता हा, “यहुन्ने कई परच्यो ने बताया, पण ज्यो कई यहुन्नो ईं मनक का बारा में केतो हो, वो हारोई हाँचो हो।”

थरप्या तका का काम 5:26

ईं वाते मन्दर का पेरादाराँ का मुक्यो आपणाँ सपायाँ की लारे वटे ग्यो अन थरप्या तका ने बना लड़ई-जगड़ा किदाई लेन आयो, काँके वाँने दरपणी ही के कटई लोग-बाग भाटा ने फेकबा लाग जा।