लूका 20:16 - नुवो नेम (मेवड़ी नया नियम)

¹⁶ कई वो आन वणा हिंजारिया ने खतम करी अन बाग दूजाँ ने हूँप देई। यो हूँणन वणा क्यो, “परमेसर अस्यान कदी ने करे हे।”

लूका 20:16 Iomraidhean Croise

मत्ती 21:34

जद्याँ हाँक पाकबा की टेम वी, वाँकाणी आपणाँ थोड़ाक दासा ने वींकी हाँक को हिस्सो लेबा का वाँते हिंजारिया का नके खन्दाया।

मत्ती 21:41

वाँकाणी वाँने क्यो, “वो वीं हत्यारा ने मार नाकी अन बाग ने दूजाँ ने हिजारे दिदे, ज्यो टेम-टेम पे वींने हाँक को हिस्सो देतो रेई।”

मत्ती 22:7

तद्याँ राज्यो रीस में आन आपणी सेना खन्दाई वणा हत्यारा ने मारन वाँका नगर में वादी लगा दिदी।

मरकुस 12:9

ईसू पूँछ्यो, “अंगूरा का बाग को मालिक वाँ हिंजारिया का हाते कई केरी? वो आन, ईं हिंजारिया ने मार नाकी अन बाग दूजाँ ने हूँप देई।

लूका 19:27

पण, मारा वणा दसमणा ने जी ओ ने छावे हे के, मूँ वाकाँपे राज करूँ, वाँने मारा हामें लावो अन मार नाको।’ ”

लूका 20:15

अन वणा वींने बागऊँ बारणे काड़न वींने मार नाक्यो, तो बतावो अबे बाग को मालिक वणा हिंजारिया का हाते कई करी?

थरप्या तका का काम 13:46

पण पोलुस अन बरनबास बनाई दरप्या क्यो, “ओ जरूरी हे के, परमेसर का बचन सबऊँ पेल्याँ थाँने हूणावाँ, पण थाँकाणी वाँने नकारता तका खुद ने अमर जीवन जीबा के जोगा ने हमज्या। ईं वाते माँ अबे यहूदियाँ ने छोड़न जो यहूदी ने हे वाँका नके जारिया हा।

रोमियों 11:1

तो मूँ पूँछू हूँ के, “कई परमेसर आपणी इजराएली मनकाँ ने नकार दिदा?” ने अस्यान कोयने हे। काँके मूँ भी अबराम का वंस को अन बिन्यामीन के गोत को इजराएली हूँ।

रोमियों 11:11

तो पछे मूँ पूँछू हूँ के, कई वणा ईं वाते ठोकर खादी के, वीं नास वे जाई? अस्यान कोयने। पण वाँका गलती करबाऊँ ज्यो यहूदी ने हा, वाँ मनकाँ ने छुटकारो मल्यो, ताँके यहूदी मनकाँ में होड़ा-होड़ पेदा वेवे।

रोमियों 3:31

तो कई, आपाँ विस्वासऊँ नेमा ने मानणा छोड़रिया हा। कदी अस्यान ने करा हा, पण आपीं तो नेमा ने ओरी पकड़या राका हा।

रोमियों 3:4

कदी भी अस्यान ने वेवे, यद्याँ हाराई मनक जूटा हे, तो भी परमेसर हाँचा हे। जस्यान सास्तर में लिक्यो तको हे के, “जणीऊँ थूँ थाँरी बाताँ में धरमी वेवे अन न्याव करती टेम में थूँ जे पावे।”

रोमियों 3:6

कदी अस्यो ने वेई, अन यद्याँ अस्यान की बात हे, तो परमेसर दनियाँ को न्याव करबा कस्यान कर सकी।

रोमियों 6:15

आपाँ नेमा के टेके ने हा, पण परमेसर की दया में जीवाँ हा, तो कई आपाँ करा? कई आपाँ पाप कराँ? ने कदी भी ने कराँ।

रोमियों 6:2

कदी ने, आपाँ ज्यो पाप का वाते मरग्या हा, तो पाप में कस्यान जीवाँ?

रोमियों 7:13

तो पछे ईंको कई मतलब व्यो के, ज्यो सई हे वोईस मारी मोत की मस व्यो? हाँची में ने। पण पाप वीं हव आदेस का जरिये मारी मोत को कारण ईं वाते बण्यो के, पाप ने ओळक्यो जा सके। ताँके नेमा का आदेस का जरिये वो पाप ओरी हेलो पाप बड़ग्यो।

रोमियों 7:7

तो आपाँ कई केवाँ? कई नेम पाप हे? कदी ने हे। काँके यद्याँ नेम ने वेता तो मूँ जाण ने पातो के, पाप कई वेवे हे? यद्याँ नेम ने बताता के, लोब मती करो, तो हाँची में मूँ जाणीई ने पातो के, लोब कई हे?

रोमियों 9:14

तो पछे आपाँ कई केवा? कई परमेसर न्याव ने करबावाळो हे? ने अस्यान कोयने।

1 कुरिन्थियों 6:15

कई थाँ ने जाणो हो के, थाँकी देह खुद ईसू मसी का गट-जोड़ में हे? तो कई मूँ वाँने ज्यो मसी का अंग हे, वाँने कस्यी वेस्या का अंग बणऊँ मूँ कदी अस्यो ने करूँ।

गलातियों 2:17

यद्याँ आपाँ ईसू मसी का गट-जोड़ में धरमी वेणा छावाँ अन मूसा का नेम आपाँने पापी बतावे तो कई ईंको यो मतलब के, मसी पाप को दास हे? कदी ने हे

गलातियों 3:21

तो पछे ईंको कई मतलब हे, कई नेम परमेसर का वादा का हामे हे? कदी ने हे, काँके यद्याँ अस्या नेम दिदा जाता जीं जीवन दे सके हे। तो हाँची में नेमईस परमेसर का हामे धरमी बणाबा को सादन बण जाता।

गलातियों 6:14

मने परबू ईसू मसी की हूळी ने छोड़न ओरी दूजी कणी बात में मेपणो ने वेवे हे। काँके मूँ दनियाँ का नजर में अन दनियाँ मारा नजर में हूळी पे चड़ई तकी हे।