लूका 2:37 - नुवो नेम (मेवड़ी नया नियम)

³⁷ वाँ अबाणू विदवा ही अन चोरासी वर की ही। वाँ मन्दर मेंईस रेती ही। वा एकाणा अन परातना का हाते रात-दन परमेसर की सेवा करती ही।

लूका 2:37 Iomraidhean Croise

लूका 5:33

वणा मनकाँ ईसुऊँ क्यो, “यहुन्ना का चेला तो हरेक टेम में एकाणो राके हे अन परातना करे हे। फरीसियाँ का चेला भी अस्यानीस करे हे। पण, थाँका चेला तो हमेस्यान खावे-पीवे हे?”

थरप्या तका का काम 13:3

जद्याँ वे वरत अन परातना करन बरनबास अन साउल पे आपणो हात मेल्यो अन वाँने हिक दे दिदी।

थरप्या तका का काम 14:23

वटे की हरेक विस्वास्याँ की मण्डली में बुड़ा-ठाड़ा ने थरप्या अन वाँने वरत अन परातना करन परबू का हाताँ में हूँप दिदी, जिंपे वीं विस्वास करता हा।

थरप्या तका का काम 26:7

यो वोईस हे, जिंने आपणी बाराई गोताँ रात-दन पूरा भगती-भावऊँ परमेसर की सेवा-चाकरी करता तका पाणो छाता हा। हे राजा, अणीस भरोसा के वाते यहूदी मारा पे दोस लगारिया हे।

1 तिमुतियूस 5:5

वाँ ज्यो हाँची में विदवा लुगई हे, जिंका नके वींकी देक-रेक करबावाळो कुई ने हे, अन ज्या परमेसर पे आस राके हे अन रात-दन अरज करन वींकी मदत माँगे हे।

परकासितवाक्य 3:12

ज्यो भी जिती वींने मूँ परमेसर का मन्दर को थम्बो बणाऊँ। अन वींके केड़े, वो कदी बारणे ने जाई। मूँ वींपे मारा परमेसर को नाम लिकूँ। मूँ वींपे नुवो यरूसलेम को नाम लिकूँ, जो परमेसर का हरगऊँ उतरबावाळो हे। मूँ वींपे मारो नुवो नाम भी लिकूँ।

परकासितवाक्य 7:15

ईं वजेऊँ ईं परमेसर का गादी का हामे ऊबा हे अन वाँके मन्दर में रात-दन वाँकी भगती करता रेवे हे, ईं वाते ज्यो गादी पे बेट्या तका हे वो वाँका में वास करतो तको वाँने बंचाई।