लूका 2:15 - नुवो नेम (मेवड़ी नया नियम)

¹⁵ जद्याँ हरग-दुत वाँका नकेऊँ पाच्छा हरग में पराग्या। गवाळ्याँ एक-दूजाऊँ केबा लागा के, “आपीं बेतलेम में चाला अन ज्या बात परबू परमेसर आपाँने बताई हे, वींने देका।”

लूका 2:15 Iomraidhean Croise

मत्ती 12:42

आतमणी दिसा की राणी न्याव का दनाँ में अणी जुग का मनकाँ का हाते उटन थाँने दोसी बणाई, काँके वाँ राजा सुलेमान को ज्यान हुणबा का वाते धरती का अणी खुणाऊँ वीं खुणा तईं अई अन देको, अटे ज्यो हे वो सुलेमानऊँ भी मोटो हे।

लूका 2:14

“हरग में परमेसर की बड़ई अन धरती पे वाँ मनकाँ ने सान्ती मले, ज्याऊँ वो राजी हे।”

लूका 2:16

वीं तरत वटे पराग्या मरियम अन युसुप ने देक्या अन बाळक ने ठाण में हूँतो तको देक्यो।

लूका 24:51

अन पसे आसिरवाद देतो तको ईसू वाँकाऊँ न्यारो वेन हरग में उठा लिदो ग्यो।

1 पतरस 3:22

वो हरग में परमेसर का जीमणा पाल्डे बेट्यो तको हे, अन अबाणू हरग-दुत, अदिकारी अन हारी सगत्याँ वींके बंस में कर दिदी गी हे।