लूका 18:7 - नुवो नेम (मेवड़ी नया नियम)

⁷ तो कई परमेसर आपणाँ चुण्या तका को हाँचो न्याव ने करी, जी रात-दन वाँकाऊँ अरज करता रेवे हे। कई वी वाँका न्याव करबा में मोड़ो करी?

लूका 18:7 Iomraidhean Croise

मत्ती 24:22

“यद्याँ वीं दनाँ ने परमेसर कम करबा को बच्यार ने किदो वेतो तो कुई भी मनक ने बंचतो, पण आपणाँ चुण्या जाबा का मस परमेसर वणा दनाँ ने कम करी।

मत्ती 24:24

मूँ ओ केवूँ हूँ काँके जूटा मसी अन जूटा मनक परमेसर का आड़ीऊँ बोलबा का वाते ऊबा वेई अन अस्या अस्या नरोगा हेन्याण बताई अन अचम्बावाळा काम केरी के, वीं चुण्या तका ने भी भटका देई।

मत्ती 7:11

ईं वाते यद्याँ थाँ बुरा वेता तका भी आपणाँ छोरा-छोरी ने हव चिजाँ देणी हव हमज्यो हो, तो थाँरो हरग को बाप परमेसर माँगबावाळा ने हव चिजाँ काँ ने देई?

लूका 11:13

अणी वाते थाँ बुरा वेता तका भी आपणाँ छोरा-छोरी ने हव चिजाँ देणी जाणो हो। तो हरग को मालिक आपणाँ माँगबावाळा ने पुवितर आत्मा काँ ने देई?

लूका 2:37

वाँ अबाणू विदवा ही अन चोरासी वर की ही। वाँ मन्दर मेंईस रेती ही। वा एकाणा अन परातना का हाते रात-दन परमेसर की सेवा करती ही।

लूका 21:28

जद्याँ ईं बाताँ वेती देकी, तो थाँ हूँदा ऊबा वेन आपणाँ माता ने ऊपरे करज्यो, काँके वीं टेम थाँको छुटकारो नकेईस वेई।”

रोमियों 8:33

परमेसर का चुण्या तका मनकाँ पे कूण दोस लगा सके हे? वो परमेसर ईं हे ज्यो वाँने निरदोस बणावे हे।

कुलुसियों 3:12

काँके थाँ परमेसर का चुण्या तका लाड़ला अन पवितर मनक हो, ईं वाते दया, भलई, नरमाई, सेण करणो अन हुदापणा ने धारण करो।

1 थिस्सुलुनिक्यों 3:10

माँ रात-दन वणीऊँ मनऊँ अरज कररिया हाँ के, थाँने देका अन थाँका विस्वास की कमी पुरी कराँ।

2 थिस्सुलुनिक्यों 1:6

परमेसर वोईस करी ज्यो सई हे अन जतरा थाँने दुक देवे हे, ईंका बदला में परमेसर वाँने भी दुक देई।

1 तिमुतियूस 5:5

वाँ ज्यो हाँची में विदवा लुगई हे, जिंका नके वींकी देक-रेक करबावाळो कुई ने हे, अन ज्या परमेसर पे आस राके हे अन रात-दन अरज करन वींकी मदत माँगे हे।

2 तिमुतियूस 1:3

तिमुतियुस मूँ रात-दन मारी परातना में थने आद करूँ हूँ अन थाँरा वाते परमेसर ने धन्नेवाद दूँ हूँ, जिंकी सेवा मूँ मारा बड़ाबा का जस्यान हुदा मनऊँ करूँ हूँ।

2 तिमुतियूस 2:10

अणीऊँ मूँ चुण्या तका मनकाँ का वाते हारोई जेलूँ हूँ जणीऊँ वीं भी उदार ने ज्यो ईसू मसी में हे, अन वींका हाते कदी ने खतम वेबावाळा मेमा ने पा सके।

तीतूस 1:1

मूँ ईसू मसी का नामऊँ थरप्यो तको परमेसर को दास पोलुस, ओ कागद तीतूस ने लिकरियो हूँ। मने परमेसर का चुण्या तका मनकाँ ने विस्वास में बडाबा का वाते खन्दायो हे, जणीऊँ वीं हाँच ने जाणन हाँचो जीवन जीवे।

1 पतरस 1:1

मूँ पतरस ज्यो परबू ईसू मसी को थरप्यो तको चेलो, यो कागद वणा मनकाँ ने लिकरियो हूँ, जी परमेसर का आड़ीऊँ चुण्या तका हे अन ईं पुन्तुस, गलातिया, कप्पदुकिया, एसिया अन बितुनिया का परदेस में बारबासी वेन वकरिया तका हे।

2 पतरस 3:9

परबू आपणाँ वादा ने पूरा करबा में देर ने लगावे, जस्यान नरई मनक होचे हे। पण परमेसर आपणाँ वाते धीरज राके हे, काँके वो किंने भी नास करणो ने छावे हे। पण वो छावे हे के, हाराई मनक आपणाँ मन ने पापऊँ अलग करन मन फेरे।

परकासितवाक्य 18:20

“हे हरग, हो पुवितर मनकाँ, थरप्या तका खासतोर चेलो अन परमेसर का आड़ीऊँ बोलबावाळा राजी वेवो, काँके परमेसर वींको न्याव करन थाँको बदलो लिदो हे।

परकासितवाक्य 6:10

वीं जोर-जोरऊँ हेलो पाड़रिया हा, “हो पुवितर अन हाँचा परबू, थाँ कदी न्याव करो? ईं धरती का मनकाँ को न्याव अन जणा माँने मारिया हा, वाँने कदी दण्ड देवो?”

परकासितवाक्य 7:15

ईं वजेऊँ ईं परमेसर का गादी का हामे ऊबा हे अन वाँके मन्दर में रात-दन वाँकी भगती करता रेवे हे, ईं वाते ज्यो गादी पे बेट्या तका हे वो वाँका में वास करतो तको वाँने बंचाई।