लूका 18:32 - नुवो नेम (मेवड़ी नया नियम)

³² काँके मूँ ज्यो यहूदी ने हे वाँका हाताँ में हूँप्यो जाऊँ अन वी मारी रोळ करी। मारो अपमान करियो जाई अन मारा ऊपरे थूँक्यो जाई।

लूका 18:32 Iomraidhean Croise

मत्ती 16:21

वीं टेमऊँ ईसू आपणाँ चेला ने बतावा लागो, “जरूरी हे के, मूँ यरूसलेम जऊँ, अन मूसा का नेमा हिकाबावाळा, यहूदी नेता अन मुक्या याजकाँ का हाताऊँ नरई दुक उठाऊँ, अन मार नाक्यो जऊँ, अन तीजे दन पाछो मरिया तका मेंऊँ जी उटूँ।”

मत्ती 20:19

अन वींने ज्यो यहूदी ने हा वाँका हाताँ में हूँपी के, वीं वींकी रोळ करी, वीं वींके कोड़ा मारी अन हूळी पे चड़ाई, अन वो तीजे दन जिवायो जाई।”

मत्ती 22:6

अन कणी तो वींका नोकराँ ने पकड़न वाँने कुट्या अन वाँकी हत्या कर दिदी।

मत्ती 26:67

तद्याँ वाँकाणी ईसू का मुण्डा पे थूँक्यो अन वींके लाता-गुमा मेल्या, अन कणी दूजाँ वींके रेपटाँ मेलन क्यो,

मत्ती 27:2

वाँकाणी ईसू ने बाँदन लेजान पिलातुस हाकम ने हूँप दिदो।

मरकुस 14:65

जदी मनक वींपे थूँक्यो अन वींको मुण्डो ढाँकन मुक्की ठोकी अन केबा लागा, “आगेवाणी करन बोल थारे कूण ठोकी?” अन पछे पेरादारा वींने पकड़न रेपटाँ मारी।

मरकुस 15:1

जस्यानी भाग-फाट्याँ वणा मुक्य याजकाँ, मूसा का नेमा ने हिकाबावाळा, दाना यहूदी नेता अन हारी यहूदी महासबा एक सला किदी। वे ईसू ने बाँदन लेग्या अन वींने पिलातुस ने हूँप दिदो।

लूका 18:33

पसे मने कुटी अन मार नाकी, पण मूँ तीजे दन पाछो जीवतो वे जाऊँ।”

लूका 23:1

तद्याँ हारी सबा ऊबी वेगी अन वींने राजपाल पिलातुस का नके लेग्या।

लूका 23:11

तद्याँ दरबार हेरोदेस आपणाँ सपायाँ का हाते मलन बुरा वेवार करन वींकी रोळ किदी अन वींने जामूणिया रंग का गाबा पेरान वींने पिलातुस का नके पाछो खन्दा दिदो।

लूका 23:35

लोग-बाग देकरिया हा अन यहूदी नेता वींकी रोळ करन केरिया हा के, “थें दूजाँ ने तो बंचाया हे, अबे यद्याँ थूँ परमेसर को हाँचो चुण्यो तको मसी वेवे तो खुद ने भी बचई ले।”

यहुन्ना 18:22

जद्याँ ईसू अस्यान क्यो तो मन्दर को एक चोकीदार ईसू का नकेईस ऊबो हो वणी ईसू के छापट मारन क्यो, “कई मोटा याजक ने जवाब ईं तरिया देवे हे?”

यहुन्ना 18:28

तद्याँ वीं ईसू ने केफा का नकेऊँ रोमी राजपाल का दरबार में लेग्या अन भाग-फाट्याँ को टेम हो, पण यहूदी अदिकारी ज्यो वींने लेग्या हाँ वीं खुद दरबार मयने ने ग्या, ताँके असुद ने वेवे, पण फसे का तेवार को खाणो खा सके।

यहुन्ना 18:30

वाँकाणी वींने जवाब दिदो, “यद्याँ यो अपरादी ने वेतो तो माँ ईंने थाँरा हाताँ में ने हूँपता।”

यहुन्ना 18:32

यो ईं वाते व्यो के, ईसू की वाँ बात पुरी वेवे ज्याँ वणा आपणी मोत का बारा क्यो हो के, वींकी मोत कस्यान वेई।

यहुन्ना 18:35

पिलातुस क्यो, “कई मूँ यहूदी हूँ? थाराईस यहूदी मनकाँ अन मुक्य याजकाँ थने मारा हात में हूँप्यो हे। थें अस्यो कई किदो हे?”

थरप्या तका का काम 2:23

ईसू ने परमेसर आपणी पाक्की ओजणा अन पेली का ग्यानऊँ होच-हमजन थाँने हूँप्यो अन थाँकाणी वींने नीच मनकाँ का हाताँ में पकड़वान हूळी पे खीलाँ ठुकवान मरवा नाक्यो।

थरप्या तका का काम 3:13

अबराम, इसाक अन याकूब का परमेसर, आपणाँ बड़ाबा का परमेसर आपणाँ सेवक ईसू की मेमा किदी। थाँकाणी वींने मराबा के वाते पकड़वा दिदो अन पछे पिलातुस वींने छोड़बा की बात ठाणी, तो थाँ लोगाँ पिलातुस के हामे भी वींने नकार दिदो।