लूका 18:22 - नुवो नेम (मेवड़ी नया नियम)

²² ओ हूँणन ईसू वींने क्यो, “थाँरा में अबे भी एक कमी हे। आपणी हारी धन-दोलत ने गरीबा में बाँट दे अन पाछो आने मारे पाच्छे चाल थने हरग में धन-दोलत को खजानो मली।”

लूका 18:22 Iomraidhean Croise

मत्ती 19:21

ईसू वाँने क्यो, “यद्याँ थूँ पाको बणणो छावे हे तो थूँ जा, अन आपणी धन-दोलत बेचन गरीबा ने दिदे, अन थने हरग में हाँचो धन मेली। तद्याँ आन मारा पाच्छे वेजा।”

लूका 10:42

पण, एक बात घणी जरूरी हे अन वणी मरियम खास भाग ने चुण लिदो हे। ज्यो वणीऊँ कदी लिदो ने जाई।”

लूका 12:33

ईं वाते आपणी धन-दोलत ने बेचन दान कर दो अन आपणाँ वाते अस्या खुल्या वणावो, जी जूना ने वेवे हे। हरग में अस्यो धन भेळो करो, ज्यो ने घटे अन नेई कुई वींको नकसाण कर सके हे अन नेई वटे कुई चोर जा सके हे अन ने वटे किड़ा लागे हे।

लूका 16:9

“ईसू वाँने क्यो, मूँ थाँकाऊँ केवूँ हूँ दनियाँ की धन-दोलतऊँ आपणाँ वाते यार-दोस्त बणई लो, काँके जद्याँ धन-दोलत खतम वे जाई। तो वी अनंत घर में थाँकी आवभगत करी।

लूका 18:21

वणी क्यो, “मूँ अणाने तो नानपणऊँ मानतो आयो हूँ।”

लूका 18:23

वो ओ हूँणन घणो दकी व्यो, काँके वो घणो रिप्यावाळो हो।

लूका 9:23

पछे ईसू वणा हाराऊँ क्यो, “यद्याँ कुई मारा पाच्छे आणो छावे हे, तो वो आपणाँ खुद ने नकारे अन हरेक दन आपणी हूळी उठातो तको मारा पाच्छे चाले।

फिलिपियों 3:13

ओ भायाँ, मारी आ मनसा कोयने के मूँ जीत चुक्यो हूँ, पण बेस ओ एक काम करूँ हूँ के, ज्यो बाताँ पाच्छे रेगी हे वाँने भूलन, आगे का चिजाँ ने पाबा का वाते कल्ड़ी मेनत कररियो हूँ।

2 पतरस 3:8

पण हो मारा प्यारा भायाँ, थाँ ईं एक बात ने मती भुलज्यो के, परबू की नजर में एक दन हजार वरा का बराबर हे अन हजार वर एक दन का बराबर हे।