लूका 18:13 - नुवो नेम (मेवड़ी नया नियम)

¹³ पण, वणी लगान लेबावाळे ज्यो छेटी ऊबो हो अन हरग आड़ी मुण्डो ऊसो भी ने किदी पण, वणी रो-रोन क्यो, ‘ओ परमेसर मूँ पापी हूँ, मारा पे दया करो।’

लूका 18:13 Iomraidhean Croise

मत्ती 10:3

फिलिपुस, अन बरतुलमे, थोमो, चुंगी लेबावाळो मत्ती, हलफई को छोरो याकूब, अन तद्दे

मत्ती 6:5

“जद्याँ थाँ परातना करो, तो कपटी मनकाँ का जस्या परातना मती करज्यो, काँके वीं मनकाँ ने दिकावा का वाते परातना घर में अन गेला का ऊपरे ऊबा वेन परातना करणो वाँने हव लागे हे। मूँ थाँने हाचेई केवूँ हूँ के, वणा आपणो फल पा लिदो हे।

मत्ती 9:13

ईं वाते थें जान ईंको अरत सास्तरा में कई हे वींने हमजो, ‘मूँ बली ने छावूँ हूँ, पण दया-भाव छावूँ हूँ।’ मूँ धरमिया कोयने, पण पापी मनकाँ ने बलावा आयो हूँ।”

मरकुस 11:25

अन जदी थाँकाणी परातना करबा ने ऊबा वेवो, तो कणी थाँको बुरो किदो वे, तो वींने माप कर दो। जींऊँ परमेसर ज्यो हरग में रेबावाळो थाँको बाप हे, थाँका पाप भी माप कर देई।

लूका 17:12

जद्याँ वी एक गाम में ग्या, तो वटे ईसू ने दस कोड़ी मनक थोड़ाक छेटी ऊबा तका दिक्या।

लूका 22:41

अन ईसू वणाऊँ अलग एक भाटो फेंक्यो जावे वतराक छेटी जान गोडा टेकन परातना करबा लागा,

लूका 23:48

वटे देकबा आया मनक ज्यो कई व्यो हो वींने देकन छाती-मातो कूटन आपणाँ-आपणाँ घरे पराग्या।

लूका 5:8

यो देकन समोन पतरस ईसू का पगा में पड़ग्यो अन वणाऊँ क्यो, “ओ परबू, माराऊँ छेटी परा जावो, काँके में थाँकी बात पे विस्वास ने किदो, मूँ पापी मनक हूँ।”

थरप्या तका का काम 2:37

लोग-बागाँ जद्याँ ओ हुण्यो, तो वाँको मन दकी वेग्यो अन पतरस की लारे दूजाँ चेलाऊँ क्यो, “तो भायाँ, माने कई करणो छावे?”

रोमियों 5:8

पण परमेसर आपाँ पे वणी टेम आपणो परेम दिकायो के, जद्याँ आपाँ पापीईस हा, तो ईसू मसी आपणाँ वाते जीव दिदो।

2 कुरिन्थियों 7:11

थाँ ओ देकज्यो, ज्यो दुक परमेसर की वजेऊँ थाँका पे आयो हो, वींकी वजेऊँ थाँ कतरा राजी व्या हो, अन ईंकी वजे ऊँइस थाँने अस्यी मनसा दिदी के, अबे थाँ खुद का बारा में के सको के, थाँको मन साप हे, गलत काम का विरोद में गुस्सो, परमेसर को मान करणो, माँकाऊँ मलबा की आगत अन पाप को न्याव करबा की भावना थाँकामें पेदा वीं हे। थाँ अस्यान करन ओ बता दिदो हे के, थाँ एकदम निरदोस हो।

1 तिमुतियूस 1:15

आ बात हरेक तरियाऊँ हाँची हे अन मानबा जोगी हे के, ईसू मसी ईं दनियाँ में पाप्याँ ने बंचाबा का वाते आया हा, जणामें हाराऊँ मोटो पापी मूँ हूँ।

इब्रानियों 4:16

ईं वाते आवो, आपीं हिम्मत का हाते परमेसर की दया की गादी का आड़ी चाला, ताँके आपाँ पे दया वे अन करपा पावा, ज्या जरूत की टेम में आपणी मदत करे।

इब्रानियों 8:12

काँके मूँ वाँका बुरा कामाँ ने माप करूँ अन कदी वाँका पापाँ ने आद ने राकूँ।”