लूका 17:6 - नुवो नेम (मेवड़ी नया नियम)

⁶ तद्याँ परबू क्यो, “यद्याँ थाँकामें हरूँ का दाणा के जतरोक भी विस्वास वेतो, तो थाँ ईं हेतूत का रूँकड़ाऊँ केता के, ‘जड़ हमेत उखड़न समन्द में लागी जा’, तो वो थाँकी बात मान लेतो।”

लूका 17:6 Iomraidhean Croise

मत्ती 14:29

ईसू क्यो, “आव!” तद्याँ पतरस नाव पूँ उतरन ईसू का नके जाबा ने पाणी पे चाळबा लागो।

मत्ती 17:20

ईसू वाँने क्यो, “थाँका कम विस्वास की वजेऊँ। मूँ थाँकाऊँ हाचेई केवूँ हूँ, यद्याँ थाँको विस्वास हरूँ का दाणा का जतरोक भी वेतो, तो ईं मंगराऊँ केता के, ‘अटूऊँ हरकन वटे जातो रे, तो वो जातो रेई।’ कुई बात थाँका वाते अबकी ने वेई।

मत्ती 21:21

ईसू वाँने जवाब दिदो, “मूँ थाँकाऊँ हाचेई केवूँ हूँ, यद्याँ थाँ विस्वास राको अन भेंम ने करो, तो थाँ बेस ओईस ने करो, ज्यो ईं अंजीर का रूँकड़ा का हाते किदो हे, पण यद्याँ ईं मंगराऊँ भी केवो, ‘अटूँ उड़ जा, अन समन्द में जा पड़,’ तो वो वे जाई।

मरकुस 4:31

वो जमीं पे बोया तका हरूँ का दाणा का जस्यान हे, ज्यो हाराई बीजाऊँ फोरो वेवे हे।

मरकुस 9:23

ईसू वाँने क्यो, “थाँकाणी अस्यान काँ केरिया हो, ‘थाँ कर सको हो तो करो।’ विस्वास करबावाळा मनक के वाते हारोई वे सके हे।”

लूका 13:19

वो एक हरूँ का एक दाणा का जस्यान हे, जिंने कणी मनक आपणाँ खेत में वायो अन वो मोटो व्यो, तो आकास का जीव-जनावर वींका डाळ्याँ का ऊपरे गवाळा बणाया।”

लूका 17:7

“पण, थाँकामूँ अस्यो कूण हे, जिंको दास हळ ज्योतरियो वे कन गारा चरातो वे अन जद्याँ वो खेतऊँ आवे, तो वणीऊँ केवे, ‘तरत आन खाणो खाबा का वाते बेट जा’?

लूका 19:4

ईं वाते वो वाँने देकबा का वाते आगे जान एक गुलर का रूँकड़ा का ऊपरे चड़ग्यो, काँके वीं वणीस गेलाऊँ जाबावाळा हा।

लूका 7:13

जद्याँ परबू वींने देकी तो वाँने दया आगी अन वणा क्यो, “रो मती।”

लूका 7:19

परबू ईसू का नके यो पतो करबा ने खन्दाया के, “कई थूँ वोईस हे ज्यो आबावाळो हे, कन पछे माँ कणी दूजाँ की वाट नाळा?”

1 कुरिन्थियों 13:2

अन यद्याँ मूँ परमेसर की बाताँ भी बता सकूँ अन मूँ हारोई भेद भी खोल सकूँ, हारोई ग्यान भी जाण जऊँ अन मने अटे तईं विस्वास भी वे के, मूँ मंगरा ने भी हरका सकूँ हूँ, पण परेम ने करूँ, तो मूँ कई भी ने हूँ।