लूका 16:9 - नुवो नेम (मेवड़ी नया नियम)

⁹ “ईसू वाँने क्यो, मूँ थाँकाऊँ केवूँ हूँ दनियाँ की धन-दोलतऊँ आपणाँ वाते यार-दोस्त बणई लो, काँके जद्याँ धन-दोलत खतम वे जाई। तो वी अनंत घर में थाँकी आवभगत करी।

लूका 16:9 Iomraidhean Croise

मत्ती 19:21

ईसू वाँने क्यो, “यद्याँ थूँ पाको बणणो छावे हे तो थूँ जा, अन आपणी धन-दोलत बेचन गरीबा ने दिदे, अन थने हरग में हाँचो धन मेली। तद्याँ आन मारा पाच्छे वेजा।”

मत्ती 6:19

“थें आपणाँ वाते धरती पे धन-दोलत भेळी मती करो, काँके वाँने किड़ा अन जंग नास कर देई। अन चोर वींने लूट सके हे।

मत्ती 6:24

“कुई भी मनक एक लारे दो मालिकाँ की सेवा ने कर सके हे, काँके वो एकऊँ दसमणी अन दूजाऊँ लाड़ राकी कन एकऊँ मल्यो रेई अन दूजाँ ने बेकार जाणी। थाँ परमेसर अन धन-दोलत दुयाँ की सेवा एक हाते ने कर सको हो।

लूका 11:41

पण, हा, थाँ खुद का मन ने साप करन आपणाँ नके ज्यो भी हे, वो दान कर देवो, तो देकज्यो, थाँकी हारी चिजाँ थाँका वाते सुद वे जाई।”

लूका 12:33

ईं वाते आपणी धन-दोलत ने बेचन दान कर दो अन आपणाँ वाते अस्या खुल्या वणावो, जी जूना ने वेवे हे। हरग में अस्यो धन भेळो करो, ज्यो ने घटे अन नेई कुई वींको नकसाण कर सके हे अन नेई वटे कुई चोर जा सके हे अन ने वटे किड़ा लागे हे।

लूका 14:14

तद्याँ थूँ धन्न वेई, काँके वाँका नके थने देबा का वाते कई ने हे। ईंको फळ थाँने परमेसर वीं दन देई जद्याँ थाँ धरमी मनक का हाते पाच्छा जी उटी।”

लूका 16:11

ईं वाते जद्याँ अधरम का धन में हाँचा ने रेवो, तो ज्यो हरग को हाँचो धन वो थाँने कूण देई?

लूका 16:13

कस्योई दास दो मालिकाँ की सेवा ने कर सके हे। काँके वो तो एकऊँ वेर राकी अन दूजाऊँ परेम राकी कन पछे एकऊँ मल्यो तको रेई अन दूजाँ ने बेकार जाणी। थाँ परमेसर अन धन, अणा दुयाँ की सेवा एक हाते ने कर सको हो।”

लूका 16:4

ठीक हे, अबे मारा हमज आग्यो के, मने कई करणो छावे, जद्याँ माराऊँ मुनीमपणा को पद ले लिदो जावे, तद्याँ लोग-बाग आपणाँ घर में मारी आवभगत कर सके।

थरप्या तका का काम 10:31

अन क्यो, कुरनेल्युस! परमेसर थारी परातना हूणी हे अन थाँरा लोगाँ ने दिदा तका दान-पन हाराईऊँ परमेसर राजी वेग्या हे।

थरप्या तका का काम 10:4

तो कुरनेल्युस दरपतो तको ध्यानऊँ हरग-दुत ने देकतो तको बोल्यो, “ओ परबू, कई हे?” हरग-दुत वींने क्यो, “परमेसर थारी परातना हूणी हे अन थाँरा किदा तका दान-पनऊँ परमेसर राजी वेग्या हे।

2 कुरिन्थियों 4:17

काँके ओ थोड़ाक दनाँ को दुक आपणाँ वाते जुग-जुग का वाते मेमा लेन आई, ज्या ईं दकऊँ घणी मोटी हे।

यहूदा 1:21

आपणाँ परबू ईसू मसी की वाट नाळता रेज्यो काँके वोईस थाँने जुग-जुग को जीवन देई। ईं वाते परमेसर की भगती करबा में मन लगाज्यो।