लूका 16:8 - नुवो नेम (मेवड़ी नया नियम)

⁸ वणी मालिक वणी अधरमी मुनीम ने सेबासी दिदी, काँके वणी चालाकीऊँ काम किदो हे, अणी दनियाँ का लोग-बाग परमेसर का मनकाँ का वेवारऊँ घणाई चतूर हे।”

लूका 16:8 Iomraidhean Croise

मत्ती 12:32

ज्यो कुई मनक का पूत का विरोद में कई भलो-बुरो बात केई, वींको ओ गुनो परमेसर माप कर सके हे, पण ज्यो कुई पुवितर आत्मा का विरोद में कई केई, वाँको यो गुना ने तो ईं जुग में अन नेई आबावाळा जुग में माप किदो जाई।

मत्ती 17:26

पतरस वाँकाऊँ क्यो “परायाऊँ।” ईसू वींने क्यो, “तो पछे पूत ने हाँसल देबाऊँ बंचग्या।

लूका 16:10

ज्यो थोड़ाऊँ थोड़ा में हाँचो हे, वो हेला में भी हाँचो निकळी। ज्यो थोड़ाऊँ थोड़ो में अधरमी हे। वो हारी बाताँ में भी अधरमी वेई।

लूका 16:4

ठीक हे, अबे मारा हमज आग्यो के, मने कई करणो छावे, जद्याँ माराऊँ मुनीमपणा को पद ले लिदो जावे, तद्याँ लोग-बाग आपणाँ घर में मारी आवभगत कर सके।

लूका 16:7

पसे वणी दूजाऊँ पूँछ्यो, ‘थारे ऊपरे कतरो करज्यो हे?’ वणी क्यो, ‘हो मण गऊँ।’ जद्याँ वणी वींकाऊँ क्यो, ‘आपणी पोती ले अन अस्यी लिक ले।’

लूका 18:6

परबू क्यो, “हुणो के, यो अधरमी न्याव करबावाळो कई केवे हे?

लूका 20:34

तद्याँ ईसू वणाऊँ क्यो, “अणी जुग में ब्याव वेवे हे।

लूका 20:35

पण, वी मनक वणी जुग में परवेस करन मरिया तकाऊँ जीवता वेबा का काबिल हे, वीं ब्याव ने करी।

यहुन्ना 12:36

जद्याँ तईं उजितो थाँका लारे हे, उजिता में विस्वास करो। अणीऊँ थाँ उजिता का मनक बणो।” ईं बाताँ केन ईसू पराग्या अन खुद वाँकाऊँ हपन रिया।

1 कुरिन्थियों 3:18

थाँ आपणाँ खुद ने धोका मती दो। यद्याँ थाँकामूँ कुई ईं दनियाँ में आपणाँ खुद ने ग्यानवाळो हमजे तो वींने बना अकल को बणणो छावे के, वो ग्यानवाळा वे जावे।

इपिसियों 5:8

काँके थाँ तो पेल्याँ अन्दारो हा, पण अबे परबू का गट-जोड़ में थाँ उजाळो हो, ईं वाते उजाळो का मनकाँ का जस्यान चालो।

फिलिपियों 3:19

वाँको अन्त नास हे, काँके वाँको पेटईस वाँको परमेसर हे। जणा बाताँ पे वीं मेपणो करे हे वणा बाताँ पे वाँने हरम करणी छावे अन दनियाँ की चिजाँ पे मन लगान राके हे।

1 थिस्सुलुनिक्यों 5:5

काँके थाँ रात अन अंदारा का ने हो, पण थाँ हाराई दन अन उजिता की ओलाद हो।

1 पतरस 2:9

पण थाँ तो अस्या मनक कोयने हो, थाँ तो परमेसर का थरप्या तका मनक हो, थाँ रजवाड़ी याजकाँ की टोळी अन पुवितर परवार का हो, परमेसर थाँने अंदारा का राज मेंऊँ अचम्बावाळा उजिता में लाया हे, जणीऊँ थाँ परबू का अचम्बावाळा काम का बारा में बता सको।

1 यहुन्ना 3:10

थाँ कस्यान जाण सको के, कूण परमेसर को बेटा हे? कूण सेतान को बेटा हे? हरेक वीं मनक ज्यो धरम का काम ने करे अन आपणाँ विस्वासी भईऊँ परेम ने करे वीं परमेसर का आड़ीऊँ कोयने हे।