लूका 16:23 - नुवो नेम (मेवड़ी नया नियम)

²³ नरक में दुक में तड़पता तका जद्याँ वणी आक्याँऊँ देक्यो के, अबराम वणीऊँ घणो छेटी हे, पण, वींने वो गरीब लाजर वींकी गोद में दिक्यो।

लूका 16:23 Iomraidhean Croise

मत्ती 11:23

अन हे कफरनूम, कई थूँ बच्यार करे हे के, थने हरग में उटायो जाई? थूँ तो पाताळ में नाक्यो जाई। जीं अचम्बा का काम थाँरा में किदा ग्या, यद्याँ सदोम में किदा जाता, तो वटा का मनक आपणाँ मना ने पापऊँ फेर लेता अन आज तईं वो नगर बस्यो तको रेतो।

मत्ती 18:9

यद्याँ थारी आँक थने पाप में नाके, तो वींने काड़न फेंक दे, काण्यो वेन अनंत जीवन में परवेस करणो थाँका वाते हव हे के, दो आक्याँ रेता तका थूँ नरक की वादी में नाक्यो जावे।

मत्ती 23:33

“अरे हाँप अन हापाँ का छोरा-छोरी, थाँ कस्यान होचो हो के, थाँ नरक की सजाऊँ बंच जावो?

मत्ती 5:22

पण मूँ थाँकाऊँ यो केऊँ हूँ के, ज्यो कुई आपणाँ भई पे रीस करी, वो सबा में दण्ड के जोगो मान्यो जाई। ज्यो कुई आपणाँ भई ने बेजत करी वींने मोटी सबा में दण्ड के जोगो मान्यो जाई। ज्यो कुई आपणाँ भई ने हराप देवे हे, वो नरक की वादी के जोगो वेई।

मत्ती 5:29

यद्याँ थाँकी जीमणी आँक थाँने पाप में नाके, तो वींने काड़न फेंक दे, काँके थाँका वाते यो हव हे के, थाँका अंग मूँ एक नास वे जावे अन थाँको पूरो सरीर नरक में ने नाक्यो जई।

मत्ती 8:29

वाँकाणी ईसू ने ओळकन हाका-भार किदी अन क्यो, “हो परमेसर का पूत, थूँ माँकाऊँ कई छावे हे? कई थूँ माँने टेमऊँ पेल्याई दण्ड देबाने अटे आयो हे?”

लूका 16:24

तद्याँ वणी हाको करन क्यो, “ओ बापू अबराम, मारा पे दया करो।” लाजर ने खन्दावो ताँके, वो आपणी आँगळी ने पाणी में डबोन मारी जीब ने हीळी करे, काँके मूँ अणी वादी में तड़परियो हूँ।

लूका 16:28

ताँके वो मारे पाँच भई हे, वाँने चेतावे, कटे अस्यान ने वे के, वी भी अणी दुक में पड़े।”

1 कुरिन्थियों 15:55

“हे मोत थाँरी जीत कटे हे? अन थाँरो डंक कटे हे?”

2 पतरस 2:4

काँके परमेसर वणा हरग दुताँ ने जी पाप करिया हा, वाँने भी ने छोड़्या अन वाँने पाताळ में अंदारा की कोटड़ी में नाक दिदा हे, ताँके वीं न्याववाळा दन तईं वटे पड़्या रे।

परकासितवाक्य 20:10

अन वीं सेतान ने ज्यो वाँने भरमातो हो, वीं वादी का कुण्ड में जिंका में वीं डरावणा जनावराने अन वींका जूटी आगेवाणी करवावाळा नाक्या ग्या हा, वींने भी नाक दिदो जाई, जिंमें वीं हमेस्यान दन रात तड़पता रेई।