लूका 16:21 - नुवो नेम (मेवड़ी नया नियम)

²¹ वणी रिप्यावाळा मनक का टेबुलऊँ जीं चुरा-चुरी अन कवा पड़ता हा। वणीऊँ वो पेट भरबा का वाते तरसतो हो। अटा तईं के, फोड़ा-फुस्याँ ने भी गण्डकड़ा चाटता हा।

लूका 16:21 Iomraidhean Croise

मत्ती 15:27

वाँकाणी क्यो, “हाँची वाते हे परबू जी, पण गण्डकड़ा भी चुर चार अन हेटाड़ो खावे हे। ज्यो वाँका मालिक का टेबुलऊँ हेठे पड़े हे।”

मरकुस 7:28

लुगई वींने जबाव दिदो, “हो परबू जी, गण्डकड़ा भी तो छोरा-छोरी का पड़या तका खाणा का टुका खा लेवे हे।”

लूका 16:20

अन वटे लाजर नाम को एक गरीब दकी मनक हो, ज्यो फोड़ा-फुस्याऊँ अन दकऊँ भरिया तको हो वींने मनक रिप्यावाळा मनक का घर का बारणा पे छोड़ देता हा।

लूका 16:22

पसे अस्यान व्यो के, वो गरीब दकी मनक मरग्यो अन हरग-दुत वींने अबराम की गोद में बेवाड़ दिदो। अन पछे वो रिप्यावाळो मनक भी मरियो अन वींने गाड़ दिदो।

यहुन्ना 6:12

जद्याँ वीं खान धापग्या तो ईसू आपणाँ चेलाऊँ क्यो, “परोस्या केड़े बंची तकी रोट्याँ भेळी करो, जणीऊँ एक भी रोटी बेकार ने वेवे।”

1 कुरिन्थियों 4:11

ईं टेम तईं माँ तो भूका तरिया हा। फाटा तका गाबा पेरता हा। माकाँ हाते मार-कूट किदी जावे हे अन माँ बेघर हा।

2 कुरिन्थियों 11:27

में घणी मेनत किदी हे अन दुक का हाते जीवन जिदो हे। नरी दाण तो मूँ हूँ भी ने सक्यो। अन नरी दाण तो भुको-तरियो भी रियो हूँ, नरी दाण तो ठन्ड में बना गाबा के धूजतो रियो हूँ।