लूका 16:20 - नुवो नेम (मेवड़ी नया नियम)

²⁰ अन वटे लाजर नाम को एक गरीब दकी मनक हो, ज्यो फोड़ा-फुस्याऊँ अन दकऊँ भरिया तको हो वींने मनक रिप्यावाळा मनक का घर का बारणा पे छोड़ देता हा।

लूका 16:20 Iomraidhean Croise

मत्ती 26:71

जद्याँ वो बारणे डेळी में ग्यो, तो दूजी नोकराणी वींने देकन ज्यो वटे हाँ वाँकाऊँ क्यो, “ओ भी तो नासरत का ईसू का हाते हो।”

लूका 16:19

एक धनवान मनक हो। ज्यो हमेस्यान मेंगाऊँ मेंगा गाबा पेरतो हो अन हरेक दन धूम-धाम अन भोग-विलासऊँ रेतो हो।

लूका 16:21

वणी रिप्यावाळा मनक का टेबुलऊँ जीं चुरा-चुरी अन कवा पड़ता हा। वणीऊँ वो पेट भरबा का वाते तरसतो हो। अटा तईं के, फोड़ा-फुस्याँ ने भी गण्डकड़ा चाटता हा।

यहुन्ना 11:1

बेतनियाँ नगर में एक लाजर नाम को मांदो मनक आपणी बेना मरियम अन मारता का हाते रेतो हो।

थरप्या तका का काम 3:2

वाँ दनाँ में वटे एक जनमऊँ लंगड़ो मनक हो, जिंने लोग हरेक दन तोकन ले जाता हा अन मन्दर का सुन्दर नाम का बाणा पे बेटा देता हा, ताँके वो मन्दर में जाबावाळा लोगाऊँ भीक माँग सके।

याकूब 1:9

जी गरीब भई हे वीं मेपणा करे, काँके परमेसर वाँने ऊसे उटाया हे।

याकूब 2:5

हो लाड़ला भायाँ, ध्यानऊँ हुणो। कई परमेसर वाँने ने चुण्या ज्यो ईं दनियाँ की देकणी में गरीब हे, जणीऊँ वीं विस्वास का धनी वेजावे अन वीं वणी राज का हकदार बणे, जिंने परमेसर आपणाँऊँ परेम करबावाळा ने देबा को वादो किदो हे।