लूका 15:24 - नुवो नेम (मेवड़ी नया नियम)

²⁴ काँके मारो ओ बेटो मरग्यो हो अन पाछो जीवग्यो हे, खुवाग्यो हो पण अबे पाछो लादग्यो हे।’ वीं आणन्द करबा लागग्या।

लूका 15:24 Iomraidhean Croise

मत्ती 8:22

ईसू वणीऊँ क्यो, “अबे थूँ मारा पाच्छे चाल, काँके परमेसर वणा मनकाँ ने मरिया तका हमजे हे जाँने अनंत जीवन को पतो कोयने हे, ईं वाते मरिया तका ने खुद आपणी लास गाड़बा दे।”

मरकुस 8:22

पछे वीं बेतसेदा नाम का गाम में आग्या। वटे कुई मनक ईसू का नके एक आन्दा ने लाया अन परातना किदी के, वो वींके हात लगावे।

लूका 10:19

हुणो, में थाँने हापाँ अन बिच्छुवाँ ने पगाँऊँ कुछळवा को अन दसमण की हारी सगती पे अदिकार दिदो हे अन कस्यी भी चिजऊँ थाँको नकसाण ने वेई।

लूका 15:23

अन एक मोटो जनावर लावो अन मारो, ताँके वींने खाबा अन आणन्द मनावा।

लूका 15:25

“पण, वींको मोटो बेटो ज्यो कूण्ड़ा पे हो, जद्याँ वो घरे का नके आयो तो वींने गावा-बजावा की अवाज हुणई दिदी।

लूका 15:32

पण, अबे आणन्द मना अन राजी वेणो छावे, काँके यो थाँरो भई ज्यो मरग्यो हो पाछो जीवतो वेग्यो हे, यो खुवाग्यो हो पण अबे पाछो लादग्यो हे।’ ”

लूका 15:4

“मानो थाँकामूँ किंका नके हो गारा हे अन वाँका मूँ एक खुवा जावे, तो कई नन्याणूँ ने हुन्ना काकड़ में छोड़न वणी खुवाया तका गाडरा ने जद्याँ तईं होदतो रेवे तद्याँ वो मल ने जावे? हाँ वो अस्यानीस करे हे।

लूका 19:10

मूँ मनक को पूत गमाया तका ने होदबा अन वाँने बंचाबा का वाते आयो हे।”

लूका 9:60

ईसू वणीऊँ क्यो, “मरिया तका ने आपणाँ मरिया तका ने गाड़बा दो। पण, थूँ जा अन परमेसर का राज का बारा में परच्यार कर।”

यहुन्ना 11:25

ईसू वींने क्यो, “जीवन मारा में हे अन मरिया केड़े पाछो जीवतो वेणो मारा में हे। ज्यो कुई मारा पे विस्वास करी, वीं यद्याँ मर भी जाई तद्याँ भी पाच्छा जी उटी।

यहुन्ना 5:21

जस्यान परमेसर मरिया तका ने उठान जिवावे हे, वस्यानीस मूँ बेटो भी ज्याँने छाऊँ हे, वाँने जीवावूँ हूँ।

रोमियों 11:15

काँके यद्याँ परमेसरऊँ वाँको नकारियो जाणो दनियाँ में मेल-मिलाप लावे, तो वाँने अपणायो जाणो मरिया तकाऊँ जिवाया जणो कोनी वे सके हे कई?

रोमियों 12:15

ज्यो राजी हे वाँके हाते राजी रेवो अन ज्यो रोवे हे, वाँका हाते रोवो।

रोमियों 6:11

अस्यान थाँ थाँका वाते भी होचो के, थाँ भी पाप का वाते मर चुक्या हो, पण परबू ईसू मसी में परमेसर का वाते जीरिया हो।

रोमियों 6:13

थाँका देह का अंग ने अधरम का सादन वेबा वाते पाप का हाताँ में मती दिज्यो, पण मरिया तका मेंऊँ जी उटबावाळा के जस्यान परमेसर का हाताँ में दिज्यो। अन थाँकी देह का अंगा ने धारमिकता का सादन वेबा वाते परमेसर ने हूँप दो।

रोमियों 8:2

काँके ईसू मसी में जीवन देबावाळा आत्मा का नेम मने पाप अन मोत का नेमाऊँ छुटकारो देवे हे।

1 कुरिन्थियों 12:26

ईं वाते यद्याँ देह में एक अंग दुक पावे हे तो वींके हाते हाराई अंग दुक पावे हे अन यद्याँ एक अंग की बड़ई वेवे हे तो हाराई अंग वींके हाते राजी वेवे हे।

इपिसियों 2:1

एक टेम ही, जद्याँ थाँ आपणाँ गुना अन पापाँ का मस आत्मिक जीवन में मरिया तका हा।

इपिसियों 2:5

जद्याँ आपाँ गुना का मस आत्मिक जीवन में मरिया तका हा, तो आपाँने मसी का हाते जिवाया। वाँकी करपाऊँ थाँ बंचाया ग्या हो।

इपिसियों 5:14

काँके उजाळोईस हे ज्यो हाराई ने चोड़े करे हे। ईं मस अस्यान केवे हे, “ओ हुबावाळा, बेटो वे अन मरिया मूँ जीवतो वेजा, तो मसी को ऊजासो थाँरा पे चमकी।”

कुलुसियों 2:13

मसी पे विस्वास करबा के पेल्याँ आपीं आपणाँ पापाँ की वजेऊँ आत्मा में मरिया तका अन बना खतना का हा। पण अबे परमेसर आपाँने ईसू मसी का हाते पाच्छा जिवाया अन आपणाँ हाराई पापाँ ने माप किदा हे।

1 तिमुतियूस 5:6

पण ज्या विदवा लुगई मोज-मस्ती में पड़गी, वाँ जीवती तकी भी मरगी तकी हे।

यहूदा 1:12

ईं मनक थाँका हाते परेम को दिकावो करे हे अन थाँका हाते खावे पिवे हे, पण ईं तो समन्द का मयने हपी तकी मंगरी का जस्यान हे। ईं वणा गवाळ्याँ का जस्यान हे, ज्याँने गाराऊँ कई मतलब ने हे, वीं तो आपणो पेट भरणो जाणे हे। ईं वीं बना पाणीवाळा वादळा का जस्यान हे जिंने बईरो उड़ान ले जावे हे, ईं जंगल का वाँ रूँकड़ा का जस्यान हे, ज्याँके फळ ने लागे हे अन ज्याँने जड़ हमेत उकाड़ नाक्या वेवे।

परकासितवाक्य 3:1

“सरदीस की मण्डली का दुताँ ने ओ लिक। जिंका नके परमेसर की हात आत्मा अन हात तारा हे वो अस्यान केवे हे, मूँ थाँका करम जाणूँ हूँ। थाँ जीवता तो केवावो हो, पण हाँची में मरिया तका हो।