लूका 13:34 - नुवो नेम (मेवड़ी नया नियम)

³⁴ “ओ यरूसलेम, ओ यरूसलेम, थूँ ज्यो परमेसर का आड़ीऊँ बोलबावाळा ने मार नाके हे अन ज्यो थाँरा नके आवे हे वाँका ने भाटा मारे हे। कतरी दाण में यो छायो हो के, जस्यान कूकड़ी आपणाँ बच्या ने आपणाँ फाकड़ा का रेटे भेळा करन राके हे, मूँ भी वस्यानीस थाँरा मनकाँ ने भेळा करूँ, पण थें यो ने छायो हो।

लूका 13:34 Iomraidhean Croise

मत्ती 22:3

राजा जीमणा में नुत्याँ तका मनकाँ ने बलावा का वाते आपणाँ नोकराँ ने खन्दाया, पण वीं लोग-बाग ने आया।

मत्ती 22:6

अन कणी तो वींका नोकराँ ने पकड़न वाँने कुट्या अन वाँकी हत्या कर दिदी।

लूका 15:28

यो हुणन वो घणी रीस में आग्यो अन घर में ने जाणो छायो, पण वींका बापू बारणे आन वींने मनावा लागा।

लूका 19:44

अन थने अन थाँरा छोरा-छोरी ने जी थाँरा में हे, धुळा भेळा करी अन थाँरा में भाटा पे भाटा भी ने रबा देई। काँके, थें वणी घड़ी जद्याँ परमेसर थाँरा पे दया किदी ही तो थें ने ओळकी ही।”

लूका 23:28

ईसू वाँका आड़ी देकन क्यो, “ओ यरूसलेम की बेट्या, मारा वाते मती रोवो पण, आपणाँ अन आपणाँ बाळकाँ का वाते रोवो।

थरप्या तका का काम 7:52

अस्यो एक भी परमेसर का आड़ीऊँ बोलबावाळो हो कई, जिंने थाँका बड़ाबा ने हतायो? वाँकाणी तो वाँने भी मार नाक्या, ज्याँकाणी नरई दनाँ पेल्याँईं वीं धरमी के आबा की घोसणा कर दिदी ही, जिंने अबे थाँकाणी छळ करन पकड़वा दिदो अन मार दिदो।

थरप्या तका का काम 7:59

अन वे इस्तीपनुस पे भाटा फेंकताई रिया, जद्याँ वो ओ केतो तको परातना किदी, “ओ परबू ईसू, मारो जीव लेलो।”

थरप्या तका का काम 8:1

अस्यान साउल इस्तीपनुस की हत्या में मदत किदी। वणीस दनऊँ यरूसलेम की विस्वास्याँ की मण्डली पे घणो हताव वेबो सरू वेग्यो। थरप्या तका ने छोड़न वे हारई विस्वासी यहूदियाँ अन सामरिया का हिमाड़ा में वखर ग्या।

परकासितवाक्य 11:8

वाँका लास वीं मोटा नगर का चोक में पड़ी रेई, जटे वाँका परबू ने हूळी पे लटकाया हा। ईं नगर ने ईंकी बुरई का वजेऊँ सदोम अन मिसर का नामऊँ भी बोल्यो जावे हे।