लूका 12:30 - नुवो नेम (मेवड़ी नया नियम)

³⁰ काँके दनियाँ की हाराई मनक जी परमेसर ने ने माने हे, वीं अणा हारी चिजाँ की खोज में रेवे हे अन थाँका बापू परमेसर जाणे हे के, थाँने अणा चिजाँ की जरूत हे।

लूका 12:30 Iomraidhean Croise

मत्ती 10:20

अन ओ आद राकज्यो बोलबावाळा थाँ कोयने, पण थाँको परम बापू परमेसर की आत्मा थाँकामें आन बोली।

मत्ती 18:14

अस्यानीस थाँका बाप की ज्यो हरग में हे वाँकी या मरजी ने हे के, अणा फोरामूँ एक को भी नास वेवे।

मत्ती 5:47

यद्याँ थाँ आपणाँ भई-बन्दाऊँइस नमस्कार करो, तो कस्यो नवई को काम करो हो? कई ज्यो यहूदी ने हे वीं अस्यान ने करे हे?

मत्ती 6:1

“ध्यान राकज्यो के, थाँ लोगाँ का हामे मोटा बाजबा का वाते दान-पन मती करो, ने तो थाँ थाँका हरग का परम बापऊँ भी फळ ने पावो।

मत्ती 6:32

काँके बना विस्वासवाळा मनक ईं हारी चिजाँ का पाच्छे दोड़ता रेवे हे, अन थाँके हरग को बाप जाणे हे के, थाँके ईं हारी चिजाँ छावे हे।

मत्ती 6:8

ईं वाते थाँ वाँके जस्यान मती बणो, काँके थाँको बाप थाँके मांगबाऊँ पेल्या जाणे हे के, थाँके किंकी जरूत हे।

लूका 12:29

अन थाँ ईं बात की खोज में मती रेवो के, कई खावा अन कई पिवाँ अन नेई ईंका बारा में होचन चन्ता करो।

लूका 12:31

पण, थाँ परमेसर का राज की खोज में रेवो। तो ईं हारी चिजाँ भी थाँने मल जाई।”

लूका 12:32

“ओ नाना गारा, दरपो मती। काँके थाँरा बापू ने यो हव लागो हे के, थाँने राज देवे।

यहुन्ना 20:17

ईसू वींने क्यो, “मारे हात मती लगा, काँके मूँ अबाणू बाप का नके ने ग्यो हूँ। पण, मारा भायाँ का नके जान वाँने के दे के, ‘मूँ मारा बाप अन थाँका बाप अन मारा परमेसर अन थाँका परमेसर का नके ऊपरे जारियो हूँ।’ ”

इपिसियों 4:17

मूँ ईं वाते ओ केवूँ हूँ अन परबू का नाम में थाँने हेंचेत करूँ हूँ के, ज्यो विस्वास ने करे हे वाँके जस्यान अबे कदी भी जीवन ने जीवो, जिंको बच्यार कई काम को ने हे।

1 थिस्सुलुनिक्यों 4:5

अन ओ काम परमेसर ने ने मानबावाळा अधरमी लोगाँ का जस्यान बुरा बच्यार राकन ने करणो छावे।