लूका 12:18 - नुवो नेम (मेवड़ी नया नियम)

¹⁸ पसे वणी मनक क्यो, ‘मूँ ओ करूँ हूँ के, मारी बकारियाँ ने तोड़न मोटी वणाऊँ, अन पसे वाँमें हारी हाक अन दूजी हारी चिजाँ मेलू।

लूका 12:18 Iomraidhean Croise

मत्ती 6:26

हवा में ऊड़बा वाळा जीव-जनावराँ ने देको! वीं ने तो कुई बोवे हे, ने कई काटे हे, अन नेई बकारिया में धान भरे हे! तद्याँ भी थाँको हरग को बाप वाँको पेट भरे हे। कई थाँ वणाऊँ खास कोयने हो?

लूका 12:17

जद्याँ वो आपणाँ मन में बच्यार करबा लागो के, ‘मूँ कई करूँ। काँके मारा अटे जगाँ ने हे। जटे मारी हाक ने मेलू।’

लूका 12:19

अन आपणी आत्माऊँ केवूँ के, “आत्मा, थाँरा पा घणा वरा का वाते धन-दोलत हे। आणन्द का हाते खा अन पीं अन राजी-खुसी रे।” ’

लूका 12:21

अणीस तरियाँ अस्याईस वीं मनक भी हे, जी आपणाँ वाते धन-दोलत भेळी करे हे, पण परमेसर की देकणी में वो धनवान ने हे।”

लूका 12:24

कागला पे ज्यान दो के, वी ने तो कई बावे हे, अन ने काटे हे अन ने वाँका नके बकारिया वेवे हे, तुई परमेसर वाँने पाळे हे। पण थाँको मोल तो जीव-जनावराऊँ घणो हेलो हे।

लूका 18:4

वणी नरी दाण तो वींकी ने मानी पण आकरी में मन में होच-बच्यार किदो, ‘मूँ कदी भी परमेसरऊँ ने दरपूँ हूँ अन नेई कणी मनक की परवा करूँ हूँ।

लूका 18:6

परबू क्यो, “हुणो के, यो अधरमी न्याव करबावाळो कई केवे हे?

याकूब 3:15

अस्यान को ग्यान हरगऊँ कोयने मले, पण ओ ईं दनियाँ को, मनकाँ का हाव-भाव अन सेतान को ग्यान हे।

याकूब 4:13

अबे थाँ हुणो, ज्यो अस्यान केवो हो के, “आपाँ आज कन काले कणी नगर में जावा अन वटे जान एक दो साल काम धन्धो करन रिप्यावाळा बण सका हा।”

याकूब 4:15

पण थाँने तो अस्यान केणो छावे के, “यद्याँ परबू की मरजी वेई, तो आपाँ जीवता रेवा अन ओ कन वो काम कराँ।”