लूका 10:35 - नुवो नेम (मेवड़ी नया नियम)

³⁵ दूजे दन वणी दो चान्दी का रिप्या निकाळ वणी धरमसाला का मालिक ने दिदा अन वणीऊँ क्यो, ‘अणी की सेवा-चाकरी करज्ये अन ईंका ऊपरे थारो ज्यो भी खरचो ओरी लागी, पाच्छी आती दाण मूँ थने दे देऊँ।’”

लूका 10:35 Iomraidhean Croise

मत्ती 18:28

“पण जद्याँ वो नोकर बारणे आयो, तो वींका हाते का नोकराऊँ मेंऊँ एक नोकर वींने मल्यो ज्यो वींको हो दिनार को करजदार हो, वाँकाणी वाँने पकड़न वींको गळो दबायो अन क्यो, ‘ज्यो कुई थाँराऊँ लेणो हे वो दिदे।’

मत्ती 20:2

वणी दानक्याँ ने एक चाँदी का सिक्का की दानकी पे आपणी बाग में काम करबा का वाते खन्दाया।

लूका 10:34

ईं वाते वो वींका नके ग्यो अन वींके लागी ही वटे तेल अन अंगूरा को रस लगान दवई-पट्टी किदी। पसे वींने आपणाँ गदेड़ा पे बेठाण धरमसाला में लेग्यो अन वींकी सेवा-चाकरी किदी।

लूका 10:36

ईसू वणीऊँ पूँछ्यो अबे वता, “थारी हमज में वणी अदमरिया तका मनक को वणा तीनामूँ पड़ोसी कूण हे?”

लूका 14:13

पण जद्याँ थूँ जीमणो राके तो गरीबा, लंगड़ा, लकवा मारिया तका अन आंदा ने बलाज्ये।

रोमियों 16:23

मारी अन हारी मण्डली की खातरदारी करबावाळा गयुस को थाँने नमस्कार। इरास्तुस ज्यो नगर को भण्डारी हे अन आपणाँ भई क्कारतुस को थाँने नमस्कार।